క్షేత్రస్థాయిలో అభివృద్ధి పనుల పరిశీలన, రీ-సర్వేపై అవగాహననవతెలంగాణ - పరకాల
పరకాలలో ఈరోజు అడిషనల్ కలెక్టర్ పర్యటించి పలు అభివృద్ధి కార్యక్రమాలను పర్యవేక్షించడంతో పాటు, ప్రభుత్వ పథకాల అమలుపై అధికారులకు దిశానిర్దేశం చేశారు.
పరకాల ఆర్డీవో, తహసీల్దార్లతో కలిసి మలకపేటలోని టీఎస్డబ్ల్యూఆర్ఐఈఎస్ హాస్టల్ను ఆయన ఆకస్మికంగా తనిఖీ చేశారు. ఈ సందర్భంగా హాస్టల్ ఆవరణ, తరగతి గదులు, వంటశాలలను క్షుణ్ణంగా పరిశీలించి, విద్యార్థులకు అందుతున్న వసతులు, భోజన నాణ్యతపై ఆరా తీశారు. అనంతరం స్కూల్ సిబ్బందికి పలు సూచనలు జారీ చేశారు.
అనంతరం రాజుపేట గ్రామంలో నిర్వహించిన భూముల రీ-సర్వే అవగాహన సదస్సులో ఆయన పాల్గొన్నారు. ఈ కార్యక్రమంలో రీ-సర్వే వల్ల కలిగే ప్రయోజనాలు, తీసుకోవాల్సిన జాగ్రత్తలపై రైతులకు సవివరంగా వివరించారు. రీ-సర్వే ప్రక్రియను పారదర్శకంగా పూర్తి చేయడానికి ప్రతి ఒక్కరూ సహకరించాలని కోరారు. ఈ కార్యక్రమంలో పరకాల మున్సిపల్ చైర్మన్, స్థానిక కౌన్సిలర్లు మరియు రైతులు అధిక సంఖ్యలో పాల్గొన్నారు.
మధ్యాహ్నం పరకాల పట్టణంలో నిర్వహించిన ఎస్ఐఆర్ ప్రోగ్రామ్ను ఆయన పర్యవేక్షించారు. బిఎల్ఓలు ఎన్యూమరేషన్ ఫారమ్లను భర్తీ చేస్తున్న తీరును అడిగి తెలుసుకున్నారు. ఓటరు జాబితా నమోదు ప్రక్రియను వేగవంతం చేయాలని, ఫారమ్ల ఆన్లైన్ ప్రక్రియను నిర్దేశిత సమయంలోగా పూర్తి చేయాలని సిబ్బందిని ఆదేశించారు. ఈ కార్యక్రమంలో మున్సిపల్ చైర్మన్, స్థానిక కౌన్సిలర్లు మరియు ఓటర్లు పాల్గొన్నారు.