సోమవారం మండలంలోని ఖుదాబక్షపల్లి గ్రామంలో సిపిఐ గ్రామ శాఖ ఆధ్వర్యంలో నిర్వహించిన విలేకరుల సమావేశంలో ఆయన మాట్లాడారు. ఆ గ్రామంలో బీసీ వడ్డెర సామాజిక వర్గానికి చెందిన 188 గజాల ఇంటి స్థలాన్ని అక్రమంగా స్వాధీనపరచుకొని అందులో మహిళా సమైక్య భవన నిర్మాణం ఏర్పాటు చేయుటకు మండల అధికారులు, గ్రామ సర్పంచ్ ప్రయత్నం చేస్తున్నారన్నారు.

ఈ క్రమంలో పూర్వకాలం నుండి తమకు వారసత్వంగా వచ్చిన ఇంటి స్థలాన్ని ఇవ్వమని వారసులు అడ్డు పడుతుండడంతో వారిపై అక్రమ కేసులు బనాయించి భయభ్రాంతులకు గురి చేస్తున్నారని పేర్కొన్నారు. ఆ స్థలం విషయంలో ఇటీవల రెండు దఫాలుగా తాహసిల్దార్, ఎంపీఓ గ్రామంలో విచారణ చేపట్టగా ఆ స్థలం వడ్డెర సామాజిక వర్గానికి చెందినదే అని గ్రామ ప్రజలు, పెద్దలు చెప్పడం జరిగిందన్నారు. అదేవిధంగా ఇటీవల గ్రామానికి చెందిన ఓ వ్యక్తి పైన ఫోర్జరీ కేసు నమోదు చేయడం సమంజసం కాదని, కనీసం ఆ వ్యక్తికి అక్షర జ్ఞానం కూడా రాదన్నారు.

ఈ విషయం పైన ఉన్నత అధికారులు తక్షణమే స్పందించి గ్రామంలో విచారణ జరిపి నిజమైన లబ్ధిదారులకు న్యాయం చేయాలని డిమాండ్ చేశారు. లేనిపక్షంలో బాధితుల పక్షాన న్యాయం జరిగే వరకు పోరాటం చేస్తామని హెచ్చరించారు. ఈ కార్యక్రమంలో ఆ పార్టీ మండల కార్యవర్గ సభ్యులు ఇస్కిళ్ళ మహేందర్, గ్రామ శాఖ మేతరి యాదయ్య, సీనియర్ నాయకులు ఎర్రజాల మహేందర్, సహాయ కార్యదర్శి యాదగిరి, ఏ ఐ వై ఎఫ్ మండల సహాయ కార్యదర్శి పొట్ట అశోక్, పొట్టగిరి, జంగిలి వెంకన్న, బొమ్మరగొని హనుమంతు, గోగు శేఖర్, గోల్కొండ లింగం, తదితరులు పాల్గొన్నారు.