ఇటీవల కూడలి పరిసర ప్రాంతాల్లో సిమెంట్ రోడ్డు నిర్మాణం పూర్తవడంతో రాకపోకలు సులభమయ్యాయి. ఇంకా కొన్ని అప్రోచ్ రోడ్ల పనులు కొనసాగుతున్నప్పటికీ ప్రజలకు తాత్కాలిక ఉపశమన చర్యలు చేపట్టాలని మున్సిపల్ పాలకవర్గం సమావేశంలో నిర్ణయం తీసుకుంది. ఈ నేపథ్యంలో సుమారు రూ.2 లక్షల 50 వేల వ్యయంతో 6 ఎంఎస్, 400 వాట్ల సామర్థ్యం కలిగిన హైమాస్ లైట్లను కొనుగోలు చేసి ప్రధాన కూడలిలో కీలక ప్రదేశాల్లో బుధవారం ఏర్పాటు చేశారు.వీటితో రాత్రి సమయంలో కూడలి మొత్తం ప్రకాశవంతంగా మారి ప్రమాదాల అవకాశాలు తగ్గుతాయని స్థానికులు ఆశాభావం వ్యక్తం చేస్తున్నారు. ఈ పనులను మున్సిపాలిటీ వైస్ ఛైర్పర్సన్ జూపల్లి రమేష్ బాబు, మున్సిపల్ కమిషనర్ నాగరాజు, సీఐ నాగరాజు కలిసి పర్యవేక్షించారు. స్థానిక ప్రజాప్రతినిధులు మరియు పట్టణ ప్రజలు కూడా ఈ కార్యక్రమంలో పాల్గొన్నారు. పట్టణంలో మౌలిక వసతుల అభివృద్ధికి మున్సిపాలిటీ మరిన్ని చర్యలు తీసుకుంటుందని అధికారులు తెలిపారు.