పార్టీ అధిష్టానం సంకేతాల ప్రకారం, ప్రస్తుత ఉప ముఖ్యమంత్రి మరియు కేపీసీసీ అధ్యక్షుడు అయిన డీకే శివకుమార్ ను నూతన సీఎల్పీ నేతగా పార్టీ ఎమ్మెల్యేలు ఏకగ్రీవంగా ఎన్నుకోనున్నారు.

ఈ సమావేశానికి ఆపద్ధర్మ ముఖ్యమంత్రి సిద్ధరామయ్య అధ్యక్షత వహించనుండగా, ఆయనే స్వయంగా డీకే శివకుమార్ పేరును తదుపరి సీఎల్పీ నేతగా ప్రతిపాదించనున్నట్లు సమాచారం.

ఏఐసీసీ ప్రధాన కార్యదర్శులు కేసీ వేణుగోపాల్, కర్ణాటక కాంగ్రెస్ వ్యవహారాల ఇన్‌చార్జ్ రణదీప్ సింగ్ సూర్జేవాలాతో పాటు రాష్ట్ర కాంగ్రెస్ ఎమ్మెల్యేలు, ఎమ్మెల్సీలు మరియు ఎంపీలందరూ ఈ సమావేశంలో పాల్గొంటారు.

జూన్ 1న కర్ణాటక సీఎంగా డీకే శివకుమార్ ప్రమాణస్వీకారం చేయనున్నారు. సిద్దరామయ్య కుమారుడికి కీలక మంత్రి పదవి ఇవ్వనున్నట్లు సమాచారం.