శ్రీకాకుళం జిల్లా నరసన్నపేటలో నేడు రాష్ట్ర ప్రభుత్వం ప్రతిష్టాత్మకంగా చేపట్టిన 'స్వర్ణాంధ్ర - స్వచ్ఛాంధ్ర' క్షేత్రస్థాయి కార్యక్రమంలో గౌరవ ముఖ్యమంత్రి శ్రీ నారా చంద్రబాబు నాయుడు పాల్గొన్నారు.

అనంతరం కార్యక్రమాన్ని ఉద్దేశించి ప్రజావేదిక సభలో ప్రసంగించారు. పారిశుధ్యం, పర్యావరణ పరిరక్షణ మరియు ప్రజా సంక్షేమమే ధ్యేయంగా నిర్వహించిన ఈ పర్యటనలో ముఖ్యమంత్రి కీలక ప్రకటనలు మరియు పనులను చేపట్టారు.

ప్రతి నెలా 3వ శనివారం నిర్వహిస్తున్న 'స్వర్ణాంధ్ర-స్వచ్ఛాంధ్ర' కార్యక్రమం పరిశుభ్రత-పర్యావరణ విషయంలో ఎంతో మార్పు తీసుకువచ్చిందని గౌరవ ముఖ్యమంత్రి నారా చంద్రబాబు నాయుడు అన్నారు.

16 నెలలుగా ఈ కార్యక్రమం ద్వారా సాధించిన విజయాల నుంచి స్ఫూర్తి పొంది, మరింత కష్టపడి పనిచేయాలని అధికారులకు సూచించారు.

రాష్ట్రవ్యాప్తంగా పారిశుధ్యాన్ని మరింత మెరుగుపరిచేందుకు వీలుగా నరసన్నపేట వేదికగా సీఎం చంద్రబాబు ‘ఆపరేషన్ క్లీన్ స్వీప్’ కార్యక్రమాన్ని అధికారికంగా ప్రారంభించారు.