దీంతో, మూడు మ్యాచ్‌ల సిరీస్‌లో పాకిస్థాన్ జట్టు 0-2తో వెనుకబడింది.

పాకిస్థాన్ జట్టు తన పేలవమైన ప్రదర్శన కారణంగా తీవ్ర విమర్శలను ఎదుర్కొంటోంది. గత 50 ఏళ్లలో ఇదే అత్యంత బలహీనమైన పాకిస్థాన్ జట్టు అని బ్రిటీష్ మీడియా అభివర్ణించింది. పాకిస్థాన్ మాజీ కెప్టెన్ రషీద్ లతీఫ్ ఈ అభిప్రాయంతో ఏకీభవించినప్పటికీ, దీనికి కేవలం ఆటగాళ్లను మాత్రమే బాధ్యులను చేయకూడదని పేర్కొన్నారు.

రషీద్ లతీఫ్ మాట్లాడుతూ.. జట్టు పేలవ ప్రదర్శనకు బోర్డు కూడా బాధ్యత వహించాలని పేర్కొంటూ PCB యంత్రాంగం, ఎంపిక కమిటీ, కోచింగ్ కమిటీలను కూడా తప్పుబట్టారు.

జియో న్యూస్‌తో మాట్లాడుతూ రషీద్ లతీఫ్.. గత 50 ఏళ్లలో పాకిస్థాన్ జట్టు అత్యంత చెత్తగా మారిందని అందరూ మాట్లాడుతున్నారు. కానీ, గత 70 ఏళ్లలో ప్రస్తుత బోర్డు అత్యంత చెత్తగా ఉందన్న విషయం గురించి మాత్రం ఎవరూ మాట్లాడటం లేదు. అలాగే, నాసిరకం ఎంపిక కమిటీ, కోచ్ గురించి కూడా ఎవరూ ప్రస్తావించడం లేదు. ఈ అంశాలను అనుసంధానించి చూస్తే, మీ ప్రశ్నలకు సమాధానాలు దొరుకుతాయి. జట్టును ఎవరు నాశనం చేశారో మీకు అర్థమవుతుంది. ప్రస్తుతం మీరు వరుసగా ఓడిపోతున్నారు. ఇది అత్యంత అధ్వాన్నమైన క్రికెట్ బోర్డు—ఇది వాస్తవం అని మండిపడ్డారు.