సెప్టెంబర్ 13 నుంచి 17 వరకు ఢిల్లీలోని అరుణ్ జైట్లీ స్టేడియంలో ఈ మూడు మ్యాచ్‌లు జరగనున్నాయి. ఆసియా క్రీడలకు ముందు జరిగే ఈ సిరీస్ భారత్‌కు సన్నాహకంగా కీలకం కానుంది.

ఈ జట్టులో స్టార్ పేసర్ జస్ప్రీత్ బుమ్రా, ఆల్‌రౌండర్లు నితీశ్ కుమార్ రెడ్డి, వాషింగ్టన్ సుందర్, పేసర్ హర్షిత్ రాణాలకు చోటు దక్కినప్పటికీ, వారి భాగస్వామ్యం పూర్తి ఫిట్‌నెస్ నిరూపించుకోవడంపైనే ఆధారపడి ఉంటుందని బీసీసీఐ స్పష్టం చేసింది. గత జూన్‌లో భారత్‌లో పర్యటించిన అఫ్గాన్‌తో జరిగిన ఏకైక టెస్టును ఇన్నింగ్స్ తేడాతో గెలుచుకున్న టీమిండియా, అనంతరం జరిగిన వన్డే సిరీస్‌ను కూడా 3-0తో క్లీన్‌స్వీప్ చేసిన విషయం తెలిసిందే.

భారత జట్టు: శ్రేయస్ అయ్యర్ (కెప్టెన్), అభిషేక్ శర్మ, వైభవ్ సూర్యవంశీ, సంజూ శాంసన్ (వికెట్ కీపర్), ఇషాన్ కిషన్ (వికెట్ కీపర్), తిలక్ వర్మ (వైస్ కెప్టెన్), శివమ్ దూబే, నితీశ్ కుమార్ రెడ్డి, అక్షర్ పటేల్, వాషింగ్టన్ సుందర్, వరుణ్ చక్రవర్తి, రవి బిష్ణోయ్, జస్ప్రీత్ బుమ్రా, అర్ష్‌దీప్ సింగ్, హర్షిత్ రాణా.