విజేశ్ దంపతులు తమ కారులో మాల్యారెలోని బంధువుల ఇంటికి వెళ్లారు. అక్కడ తమ పెద్ద కూతురిని ఉంచి, చిన్న కూతురు లియను వెంటబెట్టుకుని తాము పనిచేస్తున్న ఎస్టేట్‌కు తిరిగి బయలుదేరారు. వారు ప్రయాణిస్తున్న మార్గంలో చెరువు కట్టపై వెళ్తుండగా, కారు అకస్మాత్తుగా అదుపుతప్పి కిందకు జారిపోయింది. చెరువులోని బురదలోకి దిగబడిపోయింది. రాత్రి సమయం కావడంతో ఆ సమయంలో అక్కడ ఎవరూ లేకపోవడంతో ఈ ప్రమాదం బయటపడలేదు.

కారు బురదలో కూరుకుపోవడంతో అందులోని వాళ్లు బయటకు రాలేకపోయారు. కారులోనే ఊపిరాడక వారు ముగ్గురూ ప్రాణాలు వదిలారు. ఉదయం ఆ దారిన వెళ్తున్న కొందరు కార్మికులు చెరువులో కారును గమనించి, వెంటనే పోలీసులకు, స్థానికులకు సమాచారం అందించారు. కార్మికులు కారులోని వారిని బయటకు తీసి సిద్ధాపుర ఆస్పత్రికి తరలించగా, అప్పటికే వారు మృతి చె­ందినట్లు వైద్యులు ధృవీకరించారు. అనంతరం మృతదేహాలను పోస్టుమార్టం నిమిత్తం మడికెరి ఆస్పత్రికి తరలించారు.