తనది మొదటినుంచీ స్వతంత్ర భావజాలమని, ఎలాంటి రాజకీయ ఒత్తిళ్లకు, ప్రలోభాలకు లేదా ఇతర ప్రభావాలకు లోనయ్యే ప్రసక్తే లేదని ఆయన తేల్చి చెప్పారు. ఏ నిర్ణయం తీసుకున్నా రాష్ట్ర ప్రయోజనాలే పరమావధిగా, పూర్తి నిర్భయంతో మరియు ఆత్మగౌరవంతో ముందుకు వెళ్తానని పేర్కొన్నారు.

ఇటీవల వైఎస్సార్ కాంగ్రెస్ పార్టీ మరియు రాజ్యసభ పదవికి రాజీనామా చేసిన విజయసాయిరెడ్డి, తిరిగి వైఎస్సార్‌సీపీలోకి వెళ్తారని లేదా రాష్ట్రంలో టీడీపీ-వైసీపీలకు ప్రత్యామ్నాయంగా ఒక కొత్త రాజకీయ వేదికను లేదా పార్టీని స్థాపించబోతున్నారని పొలిటికల్ వర్గాల్లో విస్తృత ప్రచారం సాగుతోంది. ఈ క్రమంలో ఆయన చేసిన వ్యాఖ్యలు ఏపీ రాజకీయంలో తీవ్ర ఆసక్తిని రేకెత్తిస్తున్నాయి.