ఆగస్టు 30నే ఈ నగదు జమ కావాల్సి ఉన్నప్పటికీ, కొన్ని సాంకేతిక కారణాల వల్ల వాయిదా పడటంతో అధికారులు లబ్ధిదారుల ఎంపిక ప్రక్రియను వేగవంతం చేశారు. ప్రస్తుతం గ్రామ, వార్డు సచివాలయాల నుంచి అర్హుల వివరాలను సేకరించి పరిశీలిస్తున్నారు.

ఈ తాజా విడతలో రాష్ట్రవ్యాప్తంగా సుమారు 2.80 లక్షల మందికి లబ్ధి చేకూరనుంది. ముఖ్యంగా ఇంటర్మీడియట్ మొదటి సంవత్సరంలో ప్రవేశం పొందిన విద్యార్థులతో పాటు, గతంలో అన్ని అర్హతలు ఉండి కూడా సాంకేతిక లోపాలతో నిధులు పొందని వారికి ఈ దఫాలో నగదు జమ కానుంది. సచివాలయాల నుంచి అందిన లబ్ధిదారుల తుది జాబితాల పరిశీలన పూర్తయిన వెంటనే ఆర్థిక శాఖ నిధులను విడుదల చేయనుండటంతో విద్యార్థుల తల్లిదండ్రుల్లో హర్షం వ్యక్తమవుతోంది.