ఈ కేసులో నిందితుడిని ఉత్తరప్రదేశ్‌కు చెందిన దీపక్ పాల్‌గా పోలీసులు గుర్తించారు. ఎఫ్‌ఐఆర్ ప్రకారం.. గురువారం రాత్రి 9 గంటల ప్రాంతంలో మహేష్ ధడ్వే ఇంటి గేటు సమీపంలో ఈ ఘటన జరిగింది. భార్య, వారి చిన్నారితో కలిసి అమర్ నందు పవార్ రోడ్డుపై నడుచుకుంటూ వెళ్తుండగా, వెనుక నుంచి వచ్చిన నిందితుడు దీపక్ వారిని వెంబడించి దాడి చేశాడు.

పవార్ మెడ, గొంతు భాగంలో కత్తితో విచక్షణారహితంగా పలుసార్లు పొడవడంతో తీవ్ర గాయాలై ఆయన అక్కడికక్కడే ప్రాణాలు కోల్పోయాడు. సమాచారం అందుకున్న వెంటనే రాజ్‌గడ్ పోలీసులు సంఘటనా స్థలానికి చేరుకున్నారు. స్థానికుల సహాయంతో నిందితుడు దీపక్ పాల్‌ను వెంబడించి అదుపులోకి తీసుకున్నారు. ఈ దారుణ ఘటనకు సంబంధించిన దృశ్యాలన్నీ ఆ ప్రాంతంలోని సీసీటీవీ కెమెరాలో నిక్షిప్తమయ్యాయి. పోలీసులు నిందితుడిని అదుపులోకి తీసుకుని హత్యపై మరింత దర్యాప్తు జరుపుతున్నారు.