బెంగళూరులోని ప్యాలెస్ రోడ్డు మధ్యలో ఒక నాగుపాము ఆగిపోవడంతో దాదాపు 30 నిమిషాల పాటు ట్రాఫిక్ నిలిచిపోయింది. బెంగళూరులోని రద్దీగా ఉండే ప్యాలెస్ రోడ్లో ట్రాఫిక్కు ఊహించని విధంగా ఒక 'వీఐపీ' అతిథి ఎదురయ్యారు.
ప్యాలెస్ రోడ్డులో పడగ విప్పి ఉన్న నాగుపామును చూసిన వాహనదారులు, స్థానికులు ఒక్కసారిగా ఉలిక్కిపడ్డారు. దాదాపు 30-40 నిమిషాల పాటు ఆ పాము రోడ్డుపైనే ఉండటంతో, ప్రయాణికులు ఎదురుచూడాల్సి వచ్చింది. దీనివల్ల ట్రాఫిక్కు స్వల్ప అంతరాయం ఏర్పడింది. ఈ అసాధారణ దృశ్యాన్ని కొందరు కెమెరాలో బంధించగా, అది ఆన్లైన్లో వేగంగా దృష్టిని ఆకర్షించింది.
చివరికి పోలీసు సిబ్బంది అక్కడికి చేరుకుని పామును సురక్షితంగా రక్షించారు. ప్రయాణికులకు, పాముకు ఎలాంటి హాని జరగకుండా చూసుకున్నారు. పామును రోడ్డు మీద నుంచి పక్కకు పంపించిన వెంటనే ట్రాఫిక్ యధావిధిగా కొనసాగింది.