మేషం : భాగస్వామ్య వ్యాపారాల్లో ఆలోచనలు స్థిరంగా ఉండవు. ముఖ్యమైన పనుల్లో ఆటంకాలు ఎదురవుతాయి. దూరప్రయాణాల వల్ల తగిన విశ్రాంతి ఉండదు. ఉద్యోగాల్లో అధికారులతో సమస్యలు ఎదురయ్యే అవకాశం ఉంది.
ఆదాయానికి మించి ఖర్చులు పెరుగుతాయి. బంధువులతో చిన్నపాటి వివాదాలు తలెత్తవచ్చు.
వృషభం : నూతన వాహన సౌకర్యం కలుగుతుంది. ఆర్థిక వ్యవహారాల్లో ముఖ్యమైన నిర్ణయాలు తీసుకుంటారు. ఆదాయం సంతృప్తికరంగా ఉంటుంది. సన్నిహితులతో సఖ్యతగా వ్యవహరిస్తారు. ఉద్యోగాల్లో ఎదురవుతున్న ఒడిదుడుకులు తొలగుతాయి. చిన్ననాటి మిత్రులతో కలిసి విందు, వినోద కార్యక్రమాల్లో పాల్గొంటారు. వ్యాపార విస్తరణ ప్రయత్నాలు ఫలిస్తాయి.
మిధునం : చిన్నపాటి ఆరోగ్య సమస్యలు ఇబ్బంది పెట్టవచ్చు. వ్యాపార, ఉద్యోగాల్లో ఊహించని సమస్యలు ఎదురవుతాయి. అనుకున్న సమయానికి పనులు పూర్తి చేయలేకపోవచ్చు. ఇంటా బయట బాధ్యతలు పెరుగుతాయి. ఆకస్మిక ప్రయాణ సూచనలు ఉన్నాయి. వృథా ఖర్చులు పెరుగుతాయి. ముఖ్యమైన వ్యవహారాల్లో మీ శ్రమకు తగిన ఫలితం దక్కకపోవచ్చు.
కర్కాటకం : ఆకస్మిక ధనలాభ సూచనలు ఉన్నాయి. ముఖ్యమైన కార్యక్రమాలు కార్యరూపం దాలుస్తాయి. వ్యాపార, ఉద్యోగాలు ఉత్సాహంగా సాగుతాయి. నిరుద్యోగుల ఉద్యోగ ప్రయత్నాలు లాభిస్తాయి. బంధుమిత్రుల నుంచి అందిన సమాచారం ఆశ్చర్యం కలిగిస్తుంది. సన్నిహితులతో ఏర్పడిన వివాదాలు సర్దుబాటు అయ్యే అవకాశం ఉంది.
సింహం : ఉద్యోగస్తులకు పదోన్నతులు లభిస్తాయి. నూతనోత్సాహంతో ముందుకు సాగుతారు. ఆదాయ మార్గాలు పెరుగుతాయి. వ్యాపారాలు అనుకూలంగా సాగుతాయి. విద్యా విషయాలు సంతృప్తికరంగా ఉంటాయి. సోదరులతో ముఖ్యమైన విషయాలపై చర్చిస్తారు. ఆధ్యాత్మిక, సేవా కార్యక్రమాలకు ధనసహాయం అందిస్తారు.
కన్య : వ్యాపార, ఉద్యోగాల్లో ఊహించని వివాదాలు ఏర్పడవచ్చు. ఇంటా బయట బాధ్యతలు భారంగా మారతాయి. నూతన రుణ ప్రయత్నాలు అంతగా కలిసిరావు. దూరప్రయాణాలు వాయిదా పడతాయి. కుటుంబ సభ్యుల ప్రవర్తన వల్ల మానసిక ప్రశాంతత లోపించవచ్చు. చేపట్టిన పనుల్లో అవాంతరాలు ఎదురవుతాయి.
తుల : ఆరోగ్య విషయంలో శ్రద్ధ వహించాలి. బంధువర్గంతో అనవసర వివాదాలు ఏర్పడవచ్చు. ముఖ్యమైన కార్యక్రమాలు ముందుకు సాగకపోవచ్చు. ఆకస్మిక ప్రయాణ సూచనలు ఉన్నాయి. వ్యాపార, ఉద్యోగాల్లో స్థానచలనం సూచనలు ఉన్నాయి. కొన్ని పనుల్లో రెండు రకాల ఆలోచనలతో నిర్ణయాలు తీసుకోవడం వల్ల నష్టాలు ఎదురయ్యే అవకాశం ఉంది.
వృశ్చికం : వృత్తి, వ్యాపారాల్లో మీ అంచనాలు నిజమవుతాయి. నిరుద్యోగులకు నూతన ఉద్యోగ అవకాశం లభిస్తుంది. వ్యాపారాలు, ఉద్యోగాలు ఆశాజనకంగా సాగుతాయి. వాహనం కొనుగోలు చేస్తారు. చిన్ననాటి మిత్రులను కలుసుకుని ఉత్సాహంగా గడుపుతారు. నూతన కార్యక్రమాలకు శ్రీకారం చుడతారు.
ధనస్సు : నూతన గృహ నిర్మాణ ప్రయత్నాలు ప్రారంభిస్తారు. నిరుద్యోగుల ఉద్యోగ ప్రయత్నాలు సానుకూల ఫలితాలను ఇస్తాయి. వ్యాపారాలు గతం కంటే మెరుగుపడతాయి. ఉద్యోగాల్లో అనుకూల వాతావరణం ఉంటుంది. చిన్ననాటి స్నేహితుల నుంచి శుభకార్య ఆహ్వానాలు అందుతాయి. ఆకస్మిక ధనలాభ సూచనలు ఉన్నాయి.
మకరం : వ్యాపారాలు అంతంతమాత్రంగా సాగుతాయి. సోదరులతో ఆస్తి వివాదాలు చికాకు కలిగిస్తాయి. ఆదాయానికి మించి ఖర్చులు ఉంటాయి. మానసిక ఒత్తిడి బాధించవచ్చు. ఉద్యోగాల్లో సమస్యలు ఎదురవుతాయి. ఇతరులకు మాట ఇవ్వడం మంచిది కాదు. కుటుంబ వాతావరణం కొంత గందరగోళంగా ఉంటుంది.
కుంభం : ఒక విషయంలో బంధువర్గం నుంచి విమర్శలు ఎదురవుతాయి. ఇతరులపై మీ అభిప్రాయాన్ని మార్చుకోవడం మంచిది. కొన్ని వ్యవహారాల్లో మీ అంచనాలు తప్పవచ్చు. వ్యాపారాలు మందకొడిగా సాగుతాయి. ఉద్యోగ వాతావరణం గందరగోళంగా ఉంటుంది. చేపట్టిన పనుల్లో కష్టానికి తగిన ఫలితం దక్కకపోవచ్చు. ప్రయాణాలు వాయిదా పడతాయి.
మీనం : నూతన వ్యాపారాలు ప్రారంభించి లాభాలు పొందుతారు. ఆదాయం పెరుగుతుంది. సన్నిహితులతో కలిసి గృహంలో ఆనందంగా గడుపుతారు. ఉద్యోగస్తులకు పదోన్నతులు లభిస్తాయి. దైవసేవా కార్యక్రమాల్లో పాల్గొంటారు. ఉద్యోగాల్లో మీ సేవలకు గుర్తింపు లభిస్తుంది. సోదరులతో ఉన్న వివాదాలు పరిష్కార దిశగా సాగుతాయి.