ఐపీఎల్ 2026 టైటిల్ గెలిచిన తర్వాత, మాజీ భారత కెప్టెన్ విరాట్ కోహ్లీ యువ బ్యాటింగ్ సంచలనం వైభవ్ సూర్యవంశీకి ఎంతో స్ఫూర్తిదాయకమైన సందేశాన్ని ఇచ్చాడు.

బయటి మాటలను పట్టించుకోకుండా, తన లక్ష్యంపైనే దృష్టి పెట్టాలని కోహ్లీ అతడికి సూచించాడు.

కోహ్లీ ఏమన్నారంటే: సోషల్ మీడియాలో వైరల్ అవుతున్న వీడియోలో, కోహ్లీ ఆ యువకుడి కృషిని, నమ్మకాన్ని ప్రశంసించాడు. "ఇక్కడి నుంచి నువ్వు మరింత పైకి ఎదగాలి. ఇప్పటివరకు నువ్వు సాధించిన ప్రతిదీ నీ కష్టం, నీ నమ్మకం వల్లనే జరిగింది. ఎవరు ఏమనుకుంటున్నారు, ఏం మాట్లాడుతున్నారు అన్నది అనవసరం… 'ఏక్ బిహారీ సబ్ పే భారీ' (ఒక బిహారీ అందరినీ మించిపోతాడు). అంతే, ఆట ముగిసింది," అని కోహ్లీ అతడికి ఉత్సాహాన్ని నింపాడు.

వైభవ్ సూర్యవంశీ ప్రస్థానం: మ్యాచ్ అనంతరం సెలబ్రేషన్స్‌లో భాగంగా కోహ్లీ, రాజస్థాన్ రాయల్స్ ఓపెనర్ వైభవ్ సూర్యవంశీతో చాలా సేపు చర్చించారు. బిహార్‌కు చెందిన ఈ 15 ఏళ్ల యువకుడు, తన నిర్భయమైన బ్యాటింగ్‌తో భారత క్రికెట్‌లో అత్యంత ఆశాజనకమైన ఆటగాడిగా గుర్తింపు పొందాడు. ఐపీఎల్ 2026 సీజన్‌లో అత్యధిక పరుగులు సాధించిన ఆటగాడిగా నిలిచిన వైభవ్, రాజస్థాన్ రాయల్స్ జట్టు మూడవ స్థానంలో నిలవడంలో కీలకపాత్ర పోషించాడు. అంతేకాకుండా, సీజన్ ముగింపు వేడుకల్లో ఏకంగా ఐదు అవార్డులను గెలుచుకుని, అనేక రికార్డులను తిరగరాశాడు.