పంజాబ్‌లో ఒక కుటుంబంలో జరిగిన ఘోరమైన దాడి ఘటన సోషల్ మీడియాలో తీవ్ర కలకలం రేపుతోంది. ఒక కోడలు తన అత్తను నేలపై పడేసి విచక్షణారహితంగా దాడి చేస్తున్న దృశ్యాలు వైరల్ కావడంతో, నెటిజన్లు ఈ చర్యను తీవ్రంగా ఖండిస్తున్నారు.

వీడియోలో రికార్డైన దారుణం:
వైరల్ అవుతున్న వీడియో ప్రకారం.. ఆ మహిళ వృద్ధురాలైన తన అత్త జుట్టు పట్టుకుని లాగి నేలపై పడేసింది. అంతటితో ఆగకుండా, ఆమె రొమ్ముపై కూర్చుని నిరంతరం కొడుతున్న దృశ్యాలు రికార్డయ్యాయి. ఆ వృద్ధురాలు తనను తాను రక్షించుకోవడానికి ఎంతగా పోరాడుతున్నారో వీడియోలో స్పష్టంగా కనిపిస్తోంది. ఈ వీడియో చూసిన వారంతా షాక్‌కు గురవుతున్నారు.

నిమ్మకు నీరెత్తినట్లు వ్యవహరించిన కుటుంబ సభ్యులు:
ఈ ఘటన జరుగుతున్న సమయంలో అక్కడ ఉన్న ఇతర కుటుంబ సభ్యులు ఎవరూ ఆ దాడిని ఆపడానికి ప్రయత్నించకపోవడం అత్యంత విచారకరం. దానికి బదులుగా, వారు తమ సెల్‌ఫోన్లలో ఈ ఘోరాన్ని వీడియో తీయడంపై తీవ్ర విమర్శలు వ్యక్తమవుతున్నాయి. సమాజంలో మానవత్వం ఎంతలా దిగజారిపోతుందో అనడానికి ఇదొక నిదర్శనమని చర్చలు సాగుతున్నాయి.