గుజరాత్ రాష్ట్రం ఆనంద్ జిల్లా సోజిత్రా తాలూకా పరిధిలోని త్రంబోవాడ్-కతియారాపురా ప్రాంతంలో అర్ధరాత్రి వేళ అలవాటు ప్రకారం ఒక కుటుంబం గాఢ నిద్రలో ఉన్నప్పుడు ఈ దిగ్భ్రాంతికర సంఘటన చోటుచేసుకుంది.
ఇంటి బయట కుక్కలు వరుసగా మొరుగుతూ ఉండటంతో అనుమానం వచ్చిన ఇంటి యజమాని బాలాభాయ్ చౌహాన్ ఏం జరిగిందో చూడటానికి మెల్లగా లేచి బయటకు వెళ్లారు.
ఇంటి లోపల ఉన్న స్నానాల గది తలుపులు తీసిన ఆయనకు ఎదురైంది ఒక పెద్ద దిగ్భ్రాంతి, ఎందుకంటే ఆ బాత్రూమ్లో సుమారు 7 అడుగుల పొడవు ఉన్న ఒక భారీ మొసలి ప్రశాంతంగా కూర్చుని ఉంది. హఠాత్తుగా ఇంట్లోకి రాక్షస మొసలి ప్రవేశించడాన్ని చూసిన కుటుంబ సభ్యులు, చుట్టుపక్కల ప్రజలు ఏం చేయాలో తెలియక భయాందోళనతో కేకలు వేస్తూ పరుగులు తీశారు.
వెంటనే ఈ విషయమై అటవీ శాఖ మరియు సహాయక బృందానికి సమాచారం అందించడంతో, వేగంగా వచ్చిన నిపుణుల బృందం సుమారు గంటకు పైగా శ్రమించి ఆ భయంకరమైన మొసలిని అదుపులోకి తెచ్చారు. ఆ తర్వాత ఆ మొసలిని సురక్షితంగా పట్టుకుని సమీపంలోని ఒక సరస్సులో విడిచిపెట్టిన తర్వాతే ఆ ప్రాంత ప్రజలు, కుటుంబ సభ్యులు ఊపిరి పీల్చుకున్నారు.