ప్రతిరోజూ పాలనుండి వచ్చే మీగడను (మలై) నిల్వ చేస్తే, వారానికి సరిపడా నెయ్యిని సులభంగా తయారు చేసుకోవచ్చు.

అయితే, ఇంట్లో నెయ్యి చేయడం అంటే గంటల తరబడి గ్యాస్ ముందు నిలబడాలి. అందుకే చాలామంది దీనిని వాయిదా వేస్తుంటారు. కానీ ఇన్‌స్టాగ్రామ్ ఫుడ్ క్రియేటర్ ప్రియాంక పంచుకున్న ఈ చిన్న ట్రిక్ పాటిస్తే, కేవలం నిమిషాల్లోనే నెయ్యి సిద్ధమవుతుంది. ఆ పద్ధతి ఏంటో ఇప్పుడు తెలుసుకుందాం.

ప్రెజర్ కుక్కర్‌లో దేశీ నెయ్యి తయారీ విధానం:

స్టెప్ 1: మీగడను సరిగ్గా నిల్వ చేయండి మీగడ ఎక్కువ రోజులు నిల్వ ఉంటే వాసన వచ్చే అవకాశం ఉంది. అందుకే దీనిని ఎప్పుడూ ఫ్రీజర్‌లో ఉంచాలి. మీగడ నిల్వ చేసే పాత్రలో కొంచెం పెరుగు వేసి ఉంచితే చెడు వాసన రాదు.

స్టెప్ 2: తయారీకి ముందు బయట పెట్టండి నెయ్యి తయారు చేయడానికి 2-3 గంటల ముందే మీగడను ఫ్రీజర్ నుండి బయటకు తీయాలి. దీనివల్ల అది గది ఉష్ణోగ్రత వద్ద మెత్తగా మారి, నెయ్యి తీయడం సులభమవుతుంది.

స్టెప్ 3: ఈ రెండు వస్తువులు కలపండి మీగడను ప్రెజర్ కుక్కర్‌లో వేసి అందులో సగం నిమ్మరసం, అర చెంచా ఉప్పు కలపండి. ఈ రెండింటి వల్ల మీగడ నుండి వెన్న వేగంగా విడిపోతుంది, వృథా తక్కువగా ఉండి నెయ్యి ఎక్కువగా వస్తుంది.

స్టెప్ 4: ఒక్క విజిల్ వచ్చే వరకు ఉడికించండి కుక్కర్ మూత పెట్టి మధ్యస్థ మంటపై (Medium Flame) ఒక విజిల్ వచ్చే వరకు ఉంచండి. ఆ తర్వాత గ్యాస్ ఆపి ఆవిరి పోనివ్వండి. మూత తీసిన తర్వాత చిన్న మంటపై మరో 10 నిమిషాలు కాచిస్తే స్వచ్ఛమైన పూసపూసల నెయ్యి తయారవుతుంది.

స్టెప్ 5: వడకట్టి నిల్వ చేయండి నెయ్యి తయారయ్యాక పైన తేలిన నెయ్యిని వడకట్టి గాజు సీసాలో భద్రపరుచుకోండి. ఈ పద్ధతిలో అడుగున పేరుకుపోయే వ్యర్థం (గోదావరి) చాలా తక్కువగా వస్తుంది.