Digital Vastu Tips: ఈ రోజుల్లో మొబైల్ ఫోన్, ల్యాప్టాప్లు మన జీవితంలో విడదీయరాని భాగంగా మారాయి. ఉదయం లేచినప్పటి నుంచి రాత్రి నిద్రపోయే వరకు మనం ఎక్కువ సమయం స్క్రీన్లతోనే గడుపుతున్నాం.
అందుకే చాలామంది ఇప్పుడు "డిజిటల్ వాస్తు" గురించి ఆసక్తి చూపిస్తున్నారు. మన చుట్టూ ఉండే వాతావరణం ఎలా మన మనస్తత్వంపై ప్రభావం చూపుతుందో, అలాగే స్క్రీన్పై కనిపించే దృశ్యాలు కూడా మన మానసిక స్థితిపై ప్రభావం చూపుతాయని నమ్మకం.
డిజిటల్ వాస్తు నిపుణుల అభిప్రాయం ప్రకారం, మొబైల్, ల్యాప్టాప్లలో కొన్ని మార్పులు చేస్తే సానుకూల ఆలోచనలు పెరుగుతాయని, పనిలో ఏకాగ్రత మెరుగవుతుందని చెబుతున్నారు. ముఖ్యంగా ఫోన్లోని మూడు విషయాలను తొలగించాలని సూచిస్తున్నారు.
1. ప్రతికూల వాల్పేపర్లను వెంటనే మార్చండి
మనం రోజులో ఎన్నోసార్లు మొబైల్ స్క్రీన్ చూస్తుంటాం. అందువల్ల వాల్పేపర్ ఎంతో ముఖ్యమని భావిస్తారు. పాడుబడిన భవనాలు, విచారకరమైన ముఖాలు, యుద్ధ దృశ్యాలు, హింసాత్మక జంతువుల చిత్రాలు వంటివి పెట్టకూడదని చెబుతున్నారు. ఇవి మనసులో నెగెటివ్ భావనలు పెంచుతాయని చెబుతారు.. అందుకే.. దానికి బదులుగా ఉదయించే సూర్యుడు, పచ్చని ప్రకృతి దృశ్యాలు, ప్రవహించే నీరు, పర్వతాలు వంటి చిత్రాలు పెట్టుకుంటే ఉత్సాహం పెరుగుతుందని అంటున్నారు.
2. ఉపయోగం లేని పాత యాప్లను తొలగించండి
చాలామంది మొబైల్లో ఎన్నో యాప్లు ఇన్స్టాల్ చేసి తర్వాత వాటిని ఉపయోగించరు. ఇలా ఉండటం వల్ల ఫోన్ స్లో అవడమే కాకుండా, డిజిటల్ గందరగోళం పెరుగుతుంది. అవసరం లేని పాత యాప్లను తొలగిస్తే ఫోన్ పనితీరు మెరుగవుతుంది. కొత్త అవకాశాలకు స్థలం కలిగినట్లే మానసికంగా కూడా తేలికగా అనిపిస్తుందని చెబుతున్నారు.
3. పాత మెసేజ్లు, ఇమెయిల్లు క్లియర్ చేయండి
వేల సంఖ్యలో చదవని మెసేజ్లు, ఈమెయిల్లు ఉండటం కూడా ఒత్తిడికి కారణమవుతుందని నిపుణులు చెబుతున్నారు. అనవసరమైన చాట్లు, పాత ఈమెయిల్లు తొలగించడం ద్వారా డిజిటల్ స్పేస్ శుభ్రంగా ఉంటుంది. ఇది పనిపై దృష్టి పెట్టడానికి సహాయపడుతుంది.
ల్యాప్టాప్కు కూడా వాస్తు చిట్కాలు
ల్యాప్టాప్ స్క్రీన్ను పరిశుభ్రంగా ఉంచడం, తెలుపు లేదా నీలం రంగు వాల్పేపర్లు వాడడం మంచిదని సూచిస్తున్నారు. ఇవి ప్రశాంతత, స్పష్టమైన ఆలోచనలకు దోహదపడతాయని అంటున్నారు.
రాత్రిపూట డిజిటల్ డిటాక్స్ మంచిదే
నిద్రకు ముందు కనీసం ఒక గంట స్క్రీన్లకు దూరంగా ఉండడం మంచిది. అలాగే మొబైల్ను తల దగ్గర పెట్టుకుని నిద్రపోవడం మానుకోవాలని సూచిస్తున్నారు.
గుర్తుంచుకోవాల్సిన విషయం
ఈ సూచనలు శాస్త్రీయంగా నిర్ధారించబడిన వాస్తవాలు కాకపోయినా, డిజిటల్ శుభ్రత, స్క్రీన్ అలవాట్లు, ప్రశాంత వాతావరణం మాత్రం నిజంగానే మానసిక ఆరోగ్యానికి ఉపయోగపడతాయి. అందువల్ల ఫోన్ను శుభ్రంగా, క్రమబద్ధంగా ఉంచుకోవడం మాత్రం మంచి అలవాటే అంటున్నారు..