దీంతో చుట్టుపక్కల నివసించే స్థానిక ప్రజలు తీవ్ర భయాందోళనలకు గురవుతున్నారు.

పరిస్థితి తీవ్రతను గ్రహించిన రాజమండ్రి మున్సిపల్ కార్పొరేషన్ ఇంజనీరింగ్ అధికారులు తక్షణమే అప్రమత్తమయ్యారు. కోతకు గురవుతున్న ప్రాంతాలను పరిశీలించి, మరింత నష్టం జరగకుండా నివారించేందుకు అత్యవసర చర్యలు చేపట్టారు. నదీ తీరంలో కోతను అరికట్టేందుకు భారీగా ఇసుక బస్తాలను వేస్తూ రక్షణ గోడగా ఏర్పాటు చేస్తున్నారు.

ప్రస్తుతం గోదావరిలో నీటిమట్టం వేగంగా పెరుగుతున్నప్పటికీ, ప్రజలు ఆందోళన చెందాల్సిన అవసరం లేదని అధికారులు ధైర్యం చెప్తున్నారు. ప్రవాహ ఉధృతి పెరిగినా తట్టుకునేలా కట్టుదిట్టమైన రక్షణ చర్యలు చేపడుతున్నామని, నీటిమట్టం మరో ఐదు అడుగులు పెరిగినా ఎటువంటి ప్రమాదం ఉండదని స్పష్టం చేశారు. ఇంజనీరింగ్ సిబ్బంది నిరంతరం తీర ప్రాంతంలోనే ఉంటూ పరిస్థితిని సమీక్షిస్తున్నారు.

వరద ఉధృతి ఇంకా పెరిగే అవకాశం ఉన్నందున నదీ తీర ప్రాంత వాసులు అప్రమత్తంగా ఉండాలని, నదిలోకి దిగవద్దని అధికారులు హెచ్చరించారు. అత్యవసర పరిస్థితులను ఎదుర్కొనేందుకు వీలుగా మున్సిపల్, రెవెన్యూ శాఖల అధికారులు సమన్వయంతో పనిచేస్తున్నారు.