భారీ బ్యాటరీ, హై మెగాపిక్సెల్ కెమెరాలు, రగ్గడ్ బిల్డ్ వంటి ఫీచర్లతో ఈ ఫోన్ మార్కెట్‌లోకి రానుంది. ఇప్పటికే ఫోన్‌కు సంబంధించిన ప్రీ-ఆర్డర్లు కూడా ప్రారంభమయ్యాయి. ఒప్పో A7 Pro Maxను ఆగస్టు 4న విడుదల చేయనున్నట్లు కంపెనీ వెల్లడించింది. ఈ ఫోన్‌ను తొలుత దేశీయ మార్కెట్‌లో పరిచయం చేయనున్నారు. లాంచ్ ఈవెంట్ స్థానిక కాలమానం ప్రకారం మధ్యాహ్నం 2:30 గంటలకు ప్రారంభం కానుంది. ఫోన్ విడుదలకు ముందే కంపెనీ కొన్ని కీలక స్పెసిఫికేషన్లను కూడా వెల్లడించింది. దీంతో ఈ కొత్త ఒప్పో ఫోన్‌పై అంచనాలు పెరిగాయి.

Oppo A7 Pro Max ప్రీ-ఆర్డర్

Oppo A7 Pro Max కోసం ప్రీ-బుకింగ్స్ ఇప్పటికే ప్రారంభమయ్యాయి. కంపెనీ అధికారిక వెబ్‌సైట్‌తో పాటు JD.com ద్వారా కూడా ఫోన్‌ను ప్రీ-ఆర్డర్ చేసుకునే అవకాశం ఉంది. ఫోన్ ధర, పూర్తి ఆఫర్లు, సేల్ తేదీ వంటి వివరాలు లాంచ్ సమయంలో వెల్లడయ్యే అవకాశం ఉంది.

10,000mAh భారీ బ్యాటరీ

Oppo A7 Pro Maxలో అత్యంత ఆకర్షణీయమైన ఫీచర్ 10,000mAh భారీ బ్యాటరీ. సాధారణంగా ప్రీమియం స్మార్ట్‌ఫోన్లలో 5,000-6,000mAh బ్యాటరీలు కనిపిస్తుండగా, ఈ ఫోన్‌లో ఏకంగా 10,000mAh సామర్థ్యం ఉండటం ప్రత్యేకతగా చెప్పుకోవచ్చు. ఈ బ్యాటరీ సుమారు ఏడు సంవత్సరాల వరకు ఉపయోగపడేలా రూపొందించినట్లు కంపెనీ పేర్కొంది. భారీ బ్యాటరీ కారణంగా ఎక్కువసేపు ఫోన్‌ను ఉపయోగించాలనుకునే వారికి ఇది ఆసక్తికరమైన ఆప్షన్‌గా మారనుంది.

Snapdragon చిప్‌సెట్‌తో రానున్న ఫోన్

Oppo A7 Pro Maxలో Snapdragon 4 Gen 5 చిప్‌సెట్ ఉండే అవకాశం ఉంది. ఈ ప్రాసెసర్‌కు సంబంధించిన ఫోన్ గీక్‌బెంచ్ లిస్టింగ్‌లో కూడా కనిపించినట్లు సమాచారం. రోజువారీ పనులతో పాటు మల్టీటాస్కింగ్, సోషల్ మీడియా, వీడియో స్ట్రీమింగ్ వంటి అవసరాలకు ఈ చిప్‌సెట్ మంచి పనితీరును అందించే అవకాశం ఉంది.

50MP సెల్ఫీ కెమెరా.. 100° అల్ట్రా వైడ్ వ్యూ

కెమెరాల విషయానికి వస్తే Oppo A7 Pro Maxలో ముందు, వెనుక రెండువైపులా 50MP కెమెరాలు ఉండనున్నాయి. ఫోన్ వెనుక భాగంలో 50MP మెయిన్ కెమెరా, దానికి తోడుగా 2MP సెకండరీ సెన్సార్ ఉండే అవకాశం ఉంది. అయితే ఈ ఫోన్‌లోని సెల్ఫీ కెమెరా ప్రత్యేక ఆకర్షణగా నిలవనుంది. ఇందులో 50MP ఫ్రంట్ కెమెరాతో పాటు 100° అల్ట్రా-వైడ్ ఫీల్డ్ ఆఫ్ వ్యూ ఉంటుందని సమాచారం. దీంతో గ్రూప్ సెల్ఫీలు, ఎక్కువ మంది వ్యక్తులతో ఫొటోలు, విస్తృతమైన బ్యాక్‌గ్రౌండ్‌తో సెల్ఫీలు తీసుకోవడానికి ఇది ఉపయోగపడుతుంది.

మూడు ర్యామ్, స్టోరేజ్ వేరియంట్లు

Oppo A7 Pro Maxను కంపెనీ పలు మెమరీ వేరియంట్లలో తీసుకురానుంది. అవి:

8GB RAM + 128GB Storage
12GB RAM + 256GB Storage
12GB RAM + 512GB Storage
ఈ వేరియంట్లతో వినియోగదారులకు తమ అవసరానికి అనుగుణంగా స్టోరేజ్‌ను ఎంచుకునే అవకాశం ఉంటుంది.

మూడు కలర్ ఆప్షన్లు

ఫోన్‌ను మూడు కలర్ ఆప్షన్లలో విడుదల చేయనున్నట్లు సమాచారం. అవి:

Riding the Waves – White
The Future Is Bright – Orange
Dark Mountain – Black

IP69K రేటింగ్.. బలమైన బాడీ

Oppo A7 Pro Maxకు IP69K రేటింగ్ ఇవ్వడం మరో ప్రత్యేకత. దీంతో నీరు, దుమ్ము వంటి వాటి నుంచి ఫోన్‌కు మెరుగైన రక్షణ లభించే అవకాశం ఉంది. అంతేకాకుండా ఫోన్‌లో Ultra-Drop-Resistant Diamond Architectureను ఉపయోగించినట్లు కంపెనీ తెలిపింది. ఫోన్ అనుకోకుండా కింద పడినా దెబ్బతినకుండా ఉండేలా బాడీని బలంగా రూపొందించినట్లు తెలుస్తోంది.

ColorOS 16

సాఫ్ట్‌వేర్ విషయానికి వస్తే Oppo A7 Pro Max ColorOS 16పై పనిచేయనుంది. కొత్త సాఫ్ట్‌వేర్ ఫీచర్లు, మెరుగైన యూజర్ ఇంటర్‌ఫేస్‌తో పాటు పనితీరులో కూడా ఇంప్రూవ్ మెంట్స్ ఉండే అవకాశం ఉంది.