ఫేస్ బుక్ ద్వారా ఓయువతిని వలలోకి దింపి, ఫొటోస్ తీసి, ఫొటోస్ తో యువతిని బ్లాక్మెయిల్ చేస్తూ కొద్దికాలంగా డబ్బులు వసూలు చేస్తున్న కిలాడి మొసగాడిని, అరెస్ట్ చేసి రిమాండ్ కి తరలించిన ఘటన మేడ్చల్ జిల్లా మేడిపల్లి పిఎస్ పరిధిలో జరిగింది.
బొడుప్పల్ కి చెందిన యువతిని, ఘట్కేసర్ మండలం కొర్రెముళ్ల గ్రామానికి చెందిన సూర్యకాంత్ అనే యువకుడు ఫేస్బుక్ ద్వారా వలలో వేసుకొని, ఆ యువతితో డేటింగ్ సాగిస్తు తనకి తెలియకుండా కొన్ని ప్రయివేట్ ఫొటోస్ తీసి, వాటిని యువతి తల్లిదండ్రులకు, బంధువులకు పంపిస్తాను. లేదా సామాజిక మాధ్యమాల్లో పంపిస్తాను అంటూ యువతిని బ్లాక్ మెయిల్ చేస్తూ కొద్దికాలంగా డబ్బులు వసూలు చేస్తున్నాడు.
యువతి ఉద్యోగ రీత్యా ఇతర దేశానికి వెళ్లిన కూడా బ్లాక్మెయిల్ చేస్తూ వసూలుకు పాల్పడుతుండగా, విసుగు చెందిన ఆ యువతి మేడిపల్లి పోలీసులకు ఫిర్యాదు చేసింది. యువతి ఫిర్యాదుతో కేసు నమోదు చేసిన పోలీసులు, రాజస్థాన్ జైపూర్ లో ఉన్న సూర్యకాంత్ ని పైఅధికారుల అనుమతితో తీసుకొచ్చి రిమాండ్ కి తరలించారు.