పక్కా ఫ్యామిలీ ఎంటర్‌టైనర్‌గా తెరకెక్కిన చిత్రం 'పురుష:'. కళ్యాణ్ ప్రొడక్షన్స్ బ్యానర్‌పై బత్తుల సరస్వతి సమర్పణలో బత్తుల కోటేశ్వరరావు నిర్మించిన ఈ చిత్రంతో పవన్ కళ్యాణ్‌ బత్తుల హీరోగా పరిచయం అవుతున్నారు.

వీరు వులవల దర్శకత్వంలో రూపొందిన ఈ చిత్రం మే 22న ప్రపంచవ్యాప్తంగా గ్రాండ్‌గా విడుదల కానుంది. ఈ నేపథ్యంలో సోమవారం నాడు చిత్ర ప్రీ-రిలీజ్ ఈవెంట్‌ను ఘనంగా నిర్వహించారు.

ఈ ఈవెంట్‌లో హీరో పవన్ కళ్యాణ్ బత్తుల మాట్లాడుతూ.. “ఈ స్థాయికి నన్ను తీసుకొచ్చిన మా నాన్న (నిర్మాత కోటేశ్వరరావు), అక్క (సరస్వతి)లకు ముందుగా థాంక్స్. నాలో ఉన్న సిగ్గు, భయాన్ని, కెమెరా ఫియర్‌ను పోగొట్టడంలో డైరెక్టర్ వీరు గారు, డీఓపీ సతీష్ గారు ఎంతో సాయపడ్డారు. సప్తగిరి అన్న, కసిరెడ్డి అన్న నన్ను సొంత తమ్ముడిలా చూసుకుని యాక్టింగ్‌లో మెలకువలు నేర్పించారు. వెన్నెల కిషోర్, రాజీవ్ కనకాల వంటి సీనియర్లతో పనిచేయడం ద్వారా ఎంతో నేర్చుకున్నాను. ఈ సమ్మర్‌లో ఫ్యామిలీ అంతా కలిసి హాయిగా థియేటర్‌కు వెళ్లి చూసే చిత్రమిది. ‘పురుష:’ ఖచ్చితంగా అందరినీ ఎంటర్‌టైన్ చేస్తుంది” అని ఎమోషనల్‌గా మాట్లాడారు.