తెలుగు, తమిళ, మలయాళ భాషల్లో వందలాది చిత్రాల్లో నటించి, తన విలక్షణ నటనతో దక్షిణాది చిత్ర పరిశ్రమలో ప్రత్యేక గుర్తింపు తెచ్చుకున్న ప్రముఖ సీనియర్ నటుడు రషీన్ రహమాన్.

‘భారత్ బంద్’, ‘ప్రియతమా’, ‘బిల్లా’, ‘సింహ’ వంటి ఎన్నో సూపర్ హిట్ చిత్రాల ద్వారా తెలుగు ప్రేక్షకులకు ఎంతగానో కనెక్ట్ అయిన ఆయన, ప్రస్తుతం వరుస ప్రాజెక్టులతో బిజీగా ఉన్నారు. కాగా, మే 23న ఆయన పుట్టినరోజును పురస్కరించుకుని.. రహమాన్ నటిస్తున్న తాజా క్రేజీ చిత్రం నుండి మేకర్స్ ఒక పవర్‌ఫుల్ సర్ప్రైజ్ పోస్టర్‌ను విడుదల చేశారు. 'పౌర్ణమి ఎంటర్‌టైన్‌మెంట్స్' బ్యానర్‌పై ప్రొడక్షన్ నెం. 1 (Production No. 1) గా అత్యంత ప్రతిష్టాత్మకంగా తెరకెక్కుతున్న ఈ సినిమా పోస్టర్ ఇప్పుడు ఫిల్మ్ సర్కిల్స్‌లో ఆసక్తిని రేకెత్తిస్తోంది.

తాజాగా విడుదలైన ఈ స్పెషల్ బర్త్ డే పోస్టర్ ద్వారా సినిమాలో రహమాన్ పోషిస్తున్న పాత్ర వ్యక్తిత్వాన్ని మేకర్స్ చాలా ఇంట్రెస్టింగ్‌గా పరిచయం చేశారు. ఈ పోస్టర్‌లో రహమాన్ మార్క్ రాయల్ ఎలిగెన్స్, గంభీరమైన స్క్రీన్ ప్రెజెన్స్ స్పష్టంగా కనిపిస్తోంది. లుక్ చాలా క్లాస్‌గా ఉన్నప్పటికీ.. పోస్టర్ బ్యాక్‌డ్రాప్ డిజైన్ చూస్తుంటే కథలో ఏదో ఒక బలమైన మిస్టరీ ఎలిమెంట్ దాగుందనే క్యూరియాసిటీని కలిగిస్తోంది. రహమాన్ లాంటి ఒక వెర్సటైల్ యాక్టర్ ఈ ప్రాజెక్ట్‌లోకి రావడం సినిమాకు పెద్ద అసెట్ అని, ఆయన క్యారెక్టర్ నెక్స్ట్ లెవెల్‌లో ఉండబోతోందని చిత్ర యూనిట్ పేర్కొంది. ఇది ఒక మైండ్ బ్లోయింగ్ సినీ ప్రయాణానికి ఆరంభం మాత్రమేనని.. ఈ చిత్రానికి సంబంధించిన టైటిల్, దర్శకుడు, ఇతర నటీనటులు మరియు సాంకేతిక నిపుణుల పూర్తి వివరాలను అతి త్వరలోనే అధికారికంగా ప్రకటిస్తామని 'పౌర్ణమి ఎంటర్‌టైన్‌మెంట్స్' టీం వెల్లడించింది.