ఇప్పుడు ఇదే దారిలో ప్రయాణిస్తూ సోషల్ మీడియాను షేక్ చేస్తోంది ‘రాజు వెడ్స్ రాంబాయి’ ఫేమ్ తేజస్వి రావు. ఒకప్పుడు ఆమెను సినిమాల్లో చూసి పద్ధతిగా అనుకున్న ప్రేక్షకులు, ఇప్పుడు ఆమె లేటెస్ట్ ఫోటోషూట్స్ చూసి నోరెళ్లబెడుతున్నారు. సినిమా అవకాశాల కోసమే తేజస్వి ఈ రూటు మార్చారా అనే చర్చ ఇప్పుడు ఫిలిం నగర్ సర్కిల్‌లో హాట్ టాపిక్. కెరీర్ ప్రారంభంలో ‘కమిటీ కుర్రాళ్ళు’, అలాగే ‘రాజు వెడ్స్ రాంబాయి’ వంటి సినిమాలతో తేజస్వి తెలుగు ప్రేక్షకులకు పరిచయమైంది. ఈ సినిమాల్లో ఆమె పాత్రలు చాలా సాదాసీదాగా, సాంప్రదాయంగా ఉండేవి. ఆయా పాత్రలకు ఆమె న్యాయం చేసినప్పటికీ, ఆ సినిమాలు ఆమెకు ఆశించినంత గుర్తింపును లేదా పెద్ద బ్రేక్‌ను తెచ్చిపెట్టలేకపోయాయి. టాలెంట్‌తో పాటు గ్లామర్ కూడా ఉంటేనే ఈ పరిశ్రమలో ఎక్కువ కాలం నిలబడగలమనే సత్యాన్ని ఆమె ఆలస్యంగానైనా గ్రహించినట్లు కనిపిస్తోంది. పద్ధతిగా ఉండే పాత్రలతో పెద్దగా అవకాశాలు రాకపోవడం వల్లే ఆమె తన స్టైల్‌ను పూర్తిగా మార్చుకున్నారని నెటిజన్లు అభిప్రాయపడుతున్నారు. ఇటీవల సోషల్ మీడియా వేదికగా తేజస్వి షేర్ చేసిన చిత్రాలు ఈ మార్పును స్పష్టంగా చూపిస్తున్నాయి.

ముఖ్యంగా ఆమె పోస్ట్ చేసిన బీచ్ ఫోటోషూట్ పిక్స్ ఇంటర్నెట్‌లో సెన్సేషన్ సృష్టిస్తున్నాయి. ఈ చిత్రాలలో తేజస్వి తన అందాలను స్వేచ్ఛగా ఆరబోస్తూ, గతంలో ఎన్నడూ లేని విధంగా బోల్డ్ అండ్ గ్లామరస్ అవతారంలో మెరిసింది. పద్ధతిగల ఇమేజ్ నుండి ఒక్కసారిగా బోల్డ్ లుక్‌లోకి మారడం ఆమె అభిమానులకు షాకింగ్ అయినప్పటికీ, ఆమె కొత్త రూపాన్ని ప్రశంసించేవారు కూడా తక్కువ కాదు. అందాల ప్రదర్శనతో సోషల్ మీడియాలో విపరీతమైన క్రేజ్ సంపాదించుకున్న తేజస్వి, తన కొత్త గ్లామరస్ అవతారంతో టాలీవుడ్ దర్శకుల దృష్టిని ఆకర్షించాలని గట్టిగా ప్రయత్నిస్తోంది. హోమ్లీ ఇమేజ్ తన కెరీర్‌కు కొంత అడ్డంకిగా మారిందని భావించిన ఆమె, బోల్డ్ రూట్‌లోకి వెళ్లడం ద్వారా కొత్త అవకాశాలను అందుకోవచ్చని ఆశిస్తోంది. ఈ బోల్డ్ అండ్ బ్యూటిఫుల్ ఫోటోషూట్స్ ద్వారా ఆమె గ్లామర్ పాత్రలకు కూడా తాను సిద్ధమేనని పరిశ్రమ వర్గాలకు సంకేతాలిస్తున్నట్లు స్పష్టమవుతోంది. మరి ఈ అందాల విందు ఆమెకు టాలీవుడ్‌లో సరికొత్త ఆఫర్లను తెచ్చిపెడుతుందో లేదో చూడాలి!