'నానుమ్ రౌడీ దాన్ సినిమా షూటింగ్ ప్రారంభించే సమయంలో నా ఆర్థిక పరిస్థితి చాలా దారుణంగా ఉండేది. షూటింగ్ కోసం పాండిచ్చేరి వెళ్లేటప్పుడు నా జేబులో కేవలం బస్సు ఛార్జీల కోసం మాత్రమే ₹250 ఉన్నాయి. ఆ సమయంలో నా స్నేహితుడు అనిరుధ్ ముందుకు వచ్చి చేసిన సాయం మరువలేనిది' అని విఘ్నేష్ భావోద్వేగానికి లోనయ్యారు.

అనిరుధ్ కేవలం సంగీతం అందించడమే కాకుండా, విఘ్నేష్‌పై నమ్మకంతో ఆ సినిమా ప్రాజెక్ట్ పట్టాలెక్కడానికి తన వంతు సహకారం అందించారట. ఆ సినిమా భారీ విజయం సాధించడంతో విఘ్నేష్ శివన్ స్టార్ డైరెక్టర్‌గా ఎదిగారు. నేడు వీరిద్దరి కాంబినేషన్ 'విక్కీ-అని' పేరుతో కోలీవుడ్‌లో ఒక బ్రాండ్‌గా మారింది. ప్రస్తుతం విడుదలవుతున్న 'LIK' సినిమాకు కూడా అనిరుధ్ తన సంగీతంతో ప్రాణం పోశారు. కష్టాల్లో ఉన్నప్పుడు చేయూతనిచ్చిన స్నేహితుడి గురించి విఘ్నేష్ చేసిన ఈ వ్యాఖ్యలు ఇప్పుడు సోషల్ మీడియాలో నెటిజన్ల మనసు గెలుచుకుంటున్నాయి.