62 Years No Sleep: ఆకలి, శారీరక సాంగత్యం, నిద్ర అనేది మనిషికి కనీస అవసరాలు.. ఈ అవసరాలు తీరకపోతే మనిషి చాలా ఇబ్బంది పడతాడు. అంతేకాదు మానసిక ఒత్తిడి ఎదుర్కొని నరకం చూస్తాడు.

మిగతా వారి విషయంలో ఏమోగాని.. ఇతడు మాత్రం ఆకలి, శారీరక సాంగత్యం విషయంలో మాత్రం ఎలా ఉంటాడో తెలియదు గాని.. నిద్ర విషయంలో మాత్రం ఎవరి అంచనాలకు అందడు. పేరుపొందిన శాస్త్రవేత్తలను సైతం ఆశ్చర్యానికి గురి చేస్తున్నాడు..

ఒక మనిషి నిద్రపోకుండా ఉండడం సాధ్యం కాదు. ఒకవేళ ఉండాలి అనుకుంటే కొద్దిసేపు మాత్రం సాధ్యమవుతుంది. ఎందుకంటే శరీరానికి సరైన స్థాయిలో విశ్రాంతి లేకపోతే ఇబ్బందులు ఎదురవుతాయి. పైగా విశ్రాంతి తీసుకోవాలి అని శరీరం అనుకున్నప్పుడు యధావిధిగా సంకేతాలు ఇస్తూనే ఉంటుంది. కళ్ళు మూతలు పడుతూనే ఉంటాయి. అలాంటప్పుడు ఏ పని చేయడానికి అవకాశం ఉండదు. ఆ సమయంలో విశ్రాంతి తీసుకుంటేనే శరీరం రీఛార్జ్ అవుతుంది.. మళ్లీ పూర్వ శక్తిని సంతరించుకొని పనిచేయడం మొదలు పెడుతుంది. కానీ.. ఇతడి విషయంలో భగవంతుడు రాసిన స్క్రిప్ట్ వేరే విధంగా ఉంది. అందువల్లే ఇతడు ప్రపంచంలోనే వింతైన వ్యక్తిగా అవతరించాడు.

ఆ వ్యక్తి పేరు థాయ్ న్గోక్.. గడిచిన 62 సంవత్సరాలుగా ఇతడు నిద్రపోవడం లేదు. ఇతడు నిద్రపోకపోవడానికి బలమైన కారణం ఉంది. 1962లో ఇతడికి తీవ్రమైన జ్వరం వచ్చింది. దీంతో అతడు నిద్రపోయే సామర్థ్యాన్ని పూర్తిగా కోల్పోయాడు. వాస్తవానికి ఒక మనిషి ఎక్కువ రోజులు నిద్రపోకపోతే చనిపోతాడు. కానీ ఇతడు మాత్రం నిద్ర లేకుండానే బతికేస్తున్నాడు. ప్రతిరోజు పొలం పనులు చేస్తున్నాడు. ఆరోగ్యంగా కనిపిస్తున్నాడు. ఈ వింత శాస్త్రవేత్తలను సైతం ఆశ్చర్యానికి గురి చేస్తోంది. పరిశోధకులు కూడా ఇతడి మీద అనేక ప్రయోగాలు చేశారు. అయినప్పటికీ అతడు శరీరంలో జరిగిన మార్పును కనిపెట్టలేకపోయారు.. జ్వరం వల్ల మనిషి నిద్రపోయే సామర్ధ్యాన్ని కోల్పోతాడా.. అనే అంశంపై పరిశోధనలు చేసినప్పటికీ.. వారు అనుకున్న సమాచారం లభించలేదు.