అందుకు సంబంధించిన ఫోటోలను కాసేపటి క్రితమే తన సోషల్ మీడియా అకౌంట్స్ ద్వారా అప్లోడ్ చేయగా, అవి బాగా వైరల్ అయ్యాయి. కొద్దిరోజుల క్రితమే తన కాబోయే భార్య కావ్య ని తన మిత్రులకు పరిచయం చేస్తూ ఒక స్పెషల్ ఈవెంట్ ని ఏర్పాటు చేసాడు శ్రీనివాస్. చాలా మంది ఆ ఈవెంట్ ని చూసి , నిశ్చితార్థం అని పొరపాటు పడ్డారు. కానీ అసలైన నిశ్చితార్థం నిన్న జరిగింది. అయితే ఈ సందర్భంగా శ్రీనివాస్ ఎంతో ఉత్సాహం గా పోస్ట్ చేస్తూ ‘ఈ క్షణం నుండి నా జీవితం లో ప్రతీ ఒక్కటి మారిపోయింది. స్వచ్ఛమైన హృదయాలతో , ఒకరి కళ్ళలోకి ఒకరు మాత్రమే చూసుకుంటూ,మేము ఎల్లప్పుడూ నమ్మిన శాశ్వత బంధంలోకి అడుగుపెట్టాం.ఎటువంటి హడావిడి లేదు, తొందర లేదు… కేవలం ప్రేమ, ఇది కేవలం నిశ్చితార్థం కాదు,ఇది కాలాతీతమైన ఒక బంధానికి నాంది’ అంటూ చెప్పుకొచ్చాడు శ్రీనివాస్.

బెల్లంకొండ శ్రీనివాస్ కి కావ్య రెడ్డి తన అక్క ద్వారా పరిచయమైంది అట. ఎందుకంటే కావ్య రెడ్డి శ్రీనివాస్ అక్క క్లాస్ మేట్ అట. అలా ఆమె కోసం అప్పుడప్పుడు ఇంటికి వస్తూ, శ్రీనివాస్ కి కూడా బాగా దగ్గరైంది. అలా దగ్గరైన వీళ్ళు స్నేహితులుగా మొదలై , నేడు ప్రేమ జంటగా మారి పెళ్లి చేసుకునేవరకు వచ్చింది. కావ్య రెడ్డి బ్యాక్ గ్రౌండ్ వివరాల విషయానికి వస్తే , ఈమె తండ్రి సినీ ఇండస్ట్రీ కి చెందినవాడు కాదు. నాంపల్లి హై కోర్ట్ లో టాప్ మోస్ట్ లాయర్స్ లో ఒకరు. మన టాలీవుడ్ లో ఎంతో మంది ప్రముఖ హీరోలకు ఈయన లీగల్ అడ్వైజర్ గా కూడా పని చేస్తున్నాడు. ఇక కావ్య రెడ్డి తాత గతం లో జడ్జీగా కూడా పని చేసాడట.

ఇక కావ్య రెడ్డి విషయానికి వస్తే, ఈమె ఒక ప్రముఖ కంపెనీ లో సాఫ్ట్ వేర్ ఉద్యోగ గా పని చేస్తోంది. ఈమె వచ్చిన తర్వాతే బెల్లంకొండ శ్రీనివాస్ జీవితం లో అనూహ్య మార్పులు వచ్చాయని, కుటుంబం లో చాలా మంచి కార్యక్రమాలు జరిగాయని అంటున్నారు. ఇకపోతే కెరీర్ లో ఒకప్పుడు కాస్త ఇబ్బందులను ఎదురుకున్న శ్రీనివాస్, ఇప్పుడు ‘కిష్కిందకాండ’ లాంటి భారీ హిట్ తో మల్లి ఫార్మ్ లోకి వచ్చేశాడు . పెళ్లి తర్వాత ఆయన కెరీర్ ఇంకా ఏ రేంజ్ లో ఉండబోతుందో చూడాలి.