TANA Mid Atlantic Will And Trust Program: ఉత్తర అమెరికా తెలుగు సంఘం తానా మిడ్-అట్లాంటిక్ టీమ్ ఆధ్వర్యంలో నిర్వహించిన "విల్ అండ్ ట్రస్ట్" కార్యక్రమం ఘనవిజయం సాధించింది.

కుటుంబాల భవిష్యత్తు భద్రతను దృష్టిలో ఉంచుకుని చేపట్టిన ఈ కార్యక్రమానికి విశేష స్పందన లభించింది.
ఈ కార్యక్రమంలో దాదాపు 100కి పైగా కుటుంబాలు పాల్గొని తమ విల్ మరియు ట్రస్ట్ పత్రాలను సిద్ధం చేసుకున్నారు. కుటుంబ సభ్యులకు భవిష్యత్తులో ఎలాంటి చట్టపరమైన ఇబ్బందులు రాకుండా ఉండేలా ముందస్తు ప్రణాళిక ఎంత ముఖ్యమో ఈ కార్యక్రమం ద్వారా పాల్గొన్న వారికి స్పష్టమైన అవగాహన కలిగింది. ఎస్టేట్ ప్లానింగ్ ప్రాముఖ్యతను నిపుణులు వివరించి, విల్ మరియు ట్రస్ట్ వంటి పత్రాల అవసరాన్ని వివరించారు.

కార్యక్రమంలో భాగంగా నిపుణుల సలహాలు, ఉచిత నోటరీ సేవలు, ఉచిత డాక్యుమెంట్ ప్రింటింగ్ వంటి పలు సేవలను తానా టీమ్ అందించింది. దీంతో పాల్గొన్న కుటుంబాలు సులభంగా తమ భవిష్యత్తుకు అవసరమైన పత్రాలను సిద్ధం చేసుకునే అవకాశం పొందాయి.ఈ కార్యక్రమాన్ని విజయవంతంగా నిర్వహించడానికి తానా నాయకత్వ బృందం కీలక పాత్ర పోషించింది. తానా అధ్యక్షుడు డాక్టర్ నరేన్ కొడాలి, బోర్డ్ డైరెక్టర్ రవి పొట్లూరి, మిడ్-అట్లాంటిక్ ప్రాంతీయ ప్రతినిధి ఫణి కంతేటి, బెనిఫిట్స్ కోఆర్డినేటర్ వెంకట్ సింగు, కమ్యూనిటీ సర్వీస్ కోఆర్డినేటర్ సాయి బొల్లినేని తదితరులు తమ మార్గదర్శకత్వం, సహకారాన్ని అందించారు.