హైదరాబాద్ బాచుపల్లిలో నివాసముండే సాఫ్ట్‌వేర్ ఇంజనీర్ సీతారాం ఆత్మహత్య కేసు ఇప్పుడు పెను సంచలనంగా మారింది. ఫిబ్రవరిలో ఆయన హుస్సేన్ సాగర్‌లో దూకి ప్రాణాలు తీసుకున్నప్పుడు అందరూ అది సాధారణ ఆత్మహత్యే అనుకున్నారు.

కానీ, ఆయన రాసిన 19 పేజీల సూసైడ్ నోట్ వెలుగులోకి రావడంతో కథ మొత్తం అడ్డం తిరిగింది. తన భార్య రేణుకకు ఉన్న వివాహేతర సంబంధాలు, ఆమె తనను మానసికంగా ఎలా వేధించింది అన్న విషయాలను ఆయన ఆ లేఖలో పూసగుచ్చినట్లు వివరించారు.

Arrest Of Renuka And Ramana Reddy

అత్యంత వివాదాస్పదమైన విషయం ఏమిటంటే, సీతారాం ఫిబ్రవరిలో మరణిస్తే, మార్చి నెలలోనే (నెల రోజులు గడవకముందే) రేణుక తన ప్రియుడు రమణా రెడ్డిని వివాహం చేసుకుంది. ఈ పెళ్లి టైమింగ్ చూస్తుంటే సీతారాంను మానసికంగా కుంగదీసి ఆత్మహత్యకు ప్రేరేపించారనే అనుమానాలకు బలం చేకూరుతోంది. సీతారాం తల్లిదండ్రుల ఫిర్యాదు మేరకు రంగంలోకి దిగిన బాచుపల్లి పోలీసులు, లోతైన విచారణ జరిపి రేణుక మరియు రమణా రెడ్డిలను అరెస్ట్ చేశారు.

సీతారాం తన లేఖలో పేర్కొన్నట్లుగా, రేణుకకు పెళ్లికి ముందు ఆరుగురితో సంబంధాలు ఉన్నాయని, పెళ్లి తర్వాత కూడా ముగ్గురితో వివాహేతర సంబంధాలు కొనసాగించిందని ఆరోపించారు. వీటిని ప్రశ్నించినందుకు తనను వేధించడమే కాకుండా, సీతారాం సంపాదనను కూడా వాడుకున్నట్లు వార్తలు వస్తున్నాయి. ప్రస్తుతం పోలీసులు నిందితుల ఫోన్లను స్వాధీనం చేసుకుని డిజిటల్ ఎవిడెన్స్ సేకరిస్తున్నారు. వాట్సాప్ చాట్స్ మరియు కాల్ రికార్డ్స్ ద్వారా వీరి మధ్య ఉన్న సంబంధం ఎప్పటి నుండి ఉందనేది నిర్ధారించనున్నారు.