Friday, 27 Nov, 8.43 pm Pakka Filmy

రాజకీయం
FLASH NEWS : స్ట్రాంగ్ పాయింట్ పట్టిన ఎంపీ నామ..!

కేంద్ర నుంచి రాష్ట్రానికి వచ్చిన నిధులపై లెక్కలు చెబుతామని ఎంపీ నామ నాగేశ్వరరావు తెలిపారు. తెలంగాణ నుంచి వెళ్లే పన్నులను ఇతర రాష్ట్రాల్లో ఖర్చు చేస్తున్నారని తెలంగాణ భవన్​లో జరిగిన మీడియా సమావేశంలో ఆరోపించారు. రాష్ట్రం నుంచి వెళ్తున్న డబ్బుపైనే కేంద్రం బతుకుతుందని, కేంద్ర నిధులతో తెలంగాణ బతకడం లేదని స్పష్టం చేశారు.

వరదల సమయంలో సాయం చేసేందుకు రాని కేంద్ర మంత్రులంతా జీహెచ్​ఎంసీ ఎన్నికల కోసం హైదరాబాద్​కు వస్తున్నారని నామ అన్నారు. ఆరేళ్లలో రాష్ట్రానికి, నగరానికి ఏం చేశారో భాజపా నేతలు చెప్పాలని డిమాండ్ చేశారు. సీఎం కేసీఆర్ ఎన్నిసార్లు లేఖలు రాసినా.. కనీసం ఒక్క ప్రాజెక్టు కేటాయించలేదని మండిపడ్డారు. ఐఐటీ, నవోదయ పాఠశాలలను కూడా ఇవ్వలేదని, పార్లమెంట్​లో ఎన్నిసార్లు మాట్లాడినా కేంద్రం స్పందించలేదని ఆగ్రహం వ్యక్తం చేశారు.

హైదరాబాద్​ అభివృద్ధిపై భాజపా ఎప్పుడైనా పార్లమెంట్​లో ప్రస్తావించిందా అని తెరాస ఎంపీ నామ నాగేశ్వరరావు ప్రశ్నించారు. కాషాయ నేతలు అబద్ధాలు, మోసపూరిత మాటలు చెబుతున్నారని ఆరోపించారు.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Pakka Filmy Telugu
Top