రాష్ట్ర వ్యాప్తంగా ఇప్పటివరకు 43,71,397 నోటీసుల పంపిణీ కాగా 16,23,774 నోటీసులపై క్షేత్రస్థాయిలో విచారణ పూర్తయిన విషయాన్ని ఆయన ప్రస్తావించారు. ఈ నేపథ్యంలో నోటీసుల పంపిణీ, విచారణ ప్రక్రియలో ముందంజలో ఉన్న జిల్లాలను అభినందిస్తూ, మిగిలిన జిల్లాలోనూ నాణ్యంగా, వేగంగా, పారదర్శకంగా ఆ ప్రక్రియను పూర్తి చేయాలన్నారు. నోటీసులపై విచారణకు సంబంధించి ప్రస్తుతానికి అత్యల్పంగా 15.18 శాతం మాత్రమే పెండింగ్ ఉన్న కర్నూలు జిల్లా కలెక్టర్‌ను అభినందించారు. ఇఆర్‌ఒలు, ఎఇఆర్‌ఒలు, బిఎల్‌ఒలు, బిఎల్‌ఎలు, రాజకీయ పార్టీల మధ్య సమన్వయం, సహకారంతో విజయవంతంగా ముందుకు తీసుకెళ్లేందుకు కీలకమని చెప్పారు. ఈ సమావేశానికి ఎపి సిఇఒ వివేక్ యాదవ్‌, అదనపు సిఇఒ ఎస్‌ డిల్లీరావు, వివిధ జిల్లాలో కలెక్టర్లు జి లక్ష్మీశ, సిఎం సాయికాంత్ వర్మ, కృతికా శుక్లా, కీర్తి చేకూరి, చదలవాడ నాగరాణి, కె.వెట్రిసెల్వి, వి వినోద్ కుమార్, ఆయా జిల్లాల ఇఆర్‌ఒలు ప్రత్యక్షంగా హాజరుకాగా వివిధ జిల్లాల కలెక్టర్లు వర్చువల్‌గా పాల్గొన్నారు.