అప్పుడు "Tech Nationalism" ఇప్పుడు "soft power domination" గా మారాయి

''పేదవాడిక్కోపం వస్తే పెదవులతో వాగి వాగీ దవడలు నొప్పి'' అని సామెత ఒకటుంది.

మన అలీనదేశాలు, ఐక్యరాజ్య సమితి వగైరాల ధోరణి కూడ అట్లాగే వుంది. లిబియా మీద అమెరికా దాడిని ఢిల్లీ లో సమావేశమైన అలీన దేశాల మంత్రుల స్థాయి సమావేశంలో పాల్గొన్న ప్రతి దేశం- చివరకు పాకిస్తాన్‌ కూడ ఖండించాయి.

లిబియాకు ఆరుగురు సభ్యుల ప్రతినిధి బృందాన్ని పంపాలని తీర్మానించినప్పుడు ఏకగ్రీవంగా ఆమోదించినా ప్రతినిధిబృందంలో చేరడానికి మాత్రం 102 దేశాల నుండి స్వచ్ఛందంగా సంసిద్ధత కనపరచినవారే లేకపోయారన్న వార్తలు అందువల్ల ఆశ్చర్యం కల్గించవు.

అమెరికా దాడివల్ల కలిగిన నష్టాన్ని కళ్ళారా చూచి ఐక్యరాజ్య సమితికి తము నివేదిక సమర్పించటం కూడ ఈ ప్రతినిధి బృందంకు అప్పగించిన బాధ్యత, లిబియాకు వెళ్ళి దాడి నష్టాలను అంచనా వేయటం ఒక ఎత్తు కాగా ఆ వివరాలను నివేదికలో పొందుపరచటం మరొక ఎత్తు.

నిండి మునిగినవాడికి చలి ఏమిటి అన్నట్లు అటువంటి భయాలు భారత దేశానికి మాత్రం లేవు. మనకు ఎవ్వరు మిత్రులో, ఎవ్వరు శత్రులో కచ్చితంగా తెలిపే కొలమానం ఏదీ లేదు. అంతేకాదు. ఇతరులకు మనం మిత్రులమై అందించగల సహాయ సహకారాలేవైనా వుంటే ఉండొచ్చు గాని నష్ట కష్టాలు మాత్రం మన నుంచి ఎవరికి కలుగపు అన్నదీ రూఢ అయిన అంశమే. చంపదగిన శత్రువు చేత చిక్కినా అభయ హస్తం చూపి పొసగ మేలు చేసి పొమ్మనే వాళ్ళం కావటం వల్ల చీమ కూడ జంకదు. అందుకు తాజా ఉదాహరణ మహూరివార్లాండ్‌ వద్ద బంగ్లారై పుర్స్‌ మని దేశం తూర్పు సరిహద్దు భద్రతాదళాల తుపాకుల్ని నిశ్శబ్దం చేయించగల్గటమే, కనుక ఈ ప్రతినిధి బృందానికి మని విదేశాంగమంత్రి నాయకత్వం వహించటం మనదేశం అలీన ఉద్యమపీఠాధిపతి కూడ కావటంవల్ల అనివార్యం. ఈ ప్రతినిధి బృందంలో చేరటానికి ఏ సభ్యదేశమైనా ముందుకు రావటానికి పడే భయమే మన దేశానికి కూడ ఉండవచ్చు కాని ఉండదు. అమెరికాను మన దేశం ఎంత పరుషపదజాలంతో విమర్శించినా తిట్టినా ఏమీ అనుకోదు. నిజానికి అమెరికాయే కాదు ఏ దేశమూ ఏదీ అనుకోదు.

ఒక విధంగా ఐక్యరాజ్యసమితికి అలీనోద్యమం ప్యారడీ ఏమోనన్న అనుమానం కల్గుతుంటుంది. ఐక్యరాజ్య సమితిగాని భద్రతాసమితిగాని అవతరించిన నాటి నుండి చేసిన తీర్మానాలు ఇచ్చిన ఆదేశాలు ప్రపంచశాంతి అభివృద్ధులకు దోహదం చేసే ఆశలను ఊరిస్తున్నప్పటికీ అవి వర్తించే దేశాలు వాటిని పాటించటానికి సిద్ధం అయినప్పుడే తప్పు నిష్ప్రయోజనమే. దక్షిణాఫ్రికా జాత్యహంకార చర్యల మీద ఐక్యరాజ్య సమితి తీర్మానాల ప్రభావం ఏ మేరకు వున్నదో, ఆరేళ్ళుగా సాగుతున్న ఇరాక్‌ ఇరాన్‌ యుద్ధం మీద కూడ అంతే ఉందనటం అతిశయోక్తి కాదు.

లిబియా మీద అమెరికా దాడిపై చేసే తీర్మానం ప్రభావం కూడా అలాగే ఉండదన్న గ్యారంటీ ఏదీలేదు.

పెద్ద రాజ్యాలు.. తమ తమ అనుచర దేశాల భావధోరణులను గుర్తించటానికి ఐక్యరాజ్య సమితి జనరల్‌ అసెంబ్లీ ఉపయోగపడుతున్నంతగా ప్రపంచశాంతి అభ్యుదయాల సాధనకు ఐక్యరాజ్య సమితి ఉపయోగపడుతున్నదా?

ప్రపంచంలో శాస్త్ర సాంకేతిక రంగాలలో బాగా అభివృద్ధి చెందిన దేశాలలో ఏ ఒక్క దేశం కూడ తన శాస్త్ర విజ్ఞానాన్ని వర్ధమాన దేశాలతో తనంతతానుగా పంచుకొన్న దాఖలా ఒక్కటి లేదు.

ప్రపంచంలో సర్వసంపదలతో విలపిల్లే విశాల భూభాగాలు అతి తక్కువ జనాభా గల దేశాలున్నాయి. తక్కువ వైశాల్యం విస్తృత జనాభాగల దేశాలున్నాయి. విశ్వ మానవ సౌభ్రాతృత్వం, సామ్యవాదం అంటున్న దేశాలు తమ విశాల భూఖండాలతో మోయలేని దేశాల జనాభా వసతి కల్గించటానికి సిద్ధపడవు. తోటి జనాన్ని అజ్ఞానంలో ఉంచినందుకు ఆగ్రహోదగ్రులయ్యే మన దేశపు అగ్ర-ప్రగతిశీలురు ఈ వైఖరిని కనీసం ప్రశ్నించలేరు. రాష్ట్ర సాంకేతికరంగాలలో తాము కనుగొన్న విశ్వరహస్యాలను, విశ్వశక్తుల్ని కూడ ఇతర దేశాలకు అడిగినా ఇవ్వరు. అంతే కాదు ఆధునిక శస్త్రాస్త్ర రహస్యాల్ని చెప్పితే తమ మీదకే పడగెత్తే ప్రమాదశంక కల్గితే, జీవితాలు సుఖశాంతులతో గడిపేందుకు పనికిరాగల సంక్షేమ ప్రయోజనదాయకాంశాల విజ్ఞానాన్నయినా పంచుకోరు. ఇంతటి ఘోరాతిఘోర వైఖరి కూడా టెర్రరిజమే''. అలీన దేశాల మంత్రుల స్థాయిసభ ఏ రూపాన ఉన్నా టెర్రరిజంను ఖండిరచటం అందుకే స్వాగతించదగింది. హర్షించదగిందీ.. ఇక ప్రభావంమాట దేవుడెరుగు.

1983లో పరిస్థితి: శబ్దం ఎక్కువ, చర్య తక్కువ

ఈ ఎడిటోరియల్‌లో ప్రధాన విమర్శ ఏమిటి అలీనోద్యమం (NAM) మాటల్లో బలంగా, కార్యాచరణలో బలహీనంగా అన్నారు. ఆ సమయంలో Non-Aligned Movement దేశాలు అమెరికా చర్యలను ఖండించాయి. United Nations తీర్మానాలు చేసేది. కానీ అమలు మాత్రం ఉండేది కాదు. దానికి ఉదాహరణలు: లిబియాపై అమెరికా దాడి, దక్షిణాఫ్రికా వివక్ష Apartheid అపార్థైడ్‌పై తీర్మానాలు, Iran-Iraq War కొనసాగుతూనే ఉండటం ఆచార్య వ్యాఖ్యలోని వ్యంగ్యం స్పష్టంగా ఉంది: "ఖండనలు - ప్రతినిధి బృందాలు - నివేదికలు… కానీ ప్రభావం?"

2026 పరిస్థితి: రూపం మారింది, స్వభావం అంతగా మారలేదు

ఇప్పుడు ప్రపంచం "అలీనోద్యమం" అనే పదాన్ని ఎక్కువగా ఉపయోగించకపోయినా, దాని ఆత్మ ఇంకా ఉంది, కానీ కొత్త రూపంలో: దానికి ఉన్న ఆధునిక రూపం: "Strategic Autonomy", "Multi-alignment" (అంటే ఒకేసారి అనేక దేశాలతో సంబంధాలు) G20, BRICS వంటి వేదికలు ఇప్పుడు NAM స్థానాన్ని కొంతవరకు భర్తీ చేశాయి.