పీవీఆర్ న్యూస్777 హైదరాబాద్, డిసెంబర్ 11,2025

జాతీయ స్థాయి క్రీడా పోటీల్లో నారాయణ స్కూల్స్ విద్యార్థులు అద్భుత ప్రదర్శనతో ఆకట్టుకున్నారు. ఇటీవల జరిగిన 'సిబిఎస్‌ఈ జాతీయ స్కేటింగ్ ఛాంపియన్‌షిప్' మరియు '6వ ఫెడరేషన్ కుడో కప్ - 2ష025' పోటీల్లో నారాయణ విద్యార్థులు తమ ప్రతిభను చాటుకుని పతకాల వర్షం కురిపించారు. చదువులోనే కాకుండా క్రీడల్లోనూ తమకు తిరుగులేదని నిరూపించారు.

సిబిఎస్‌ఈ నేషనల్ స్కేటింగ్ ఛాంపియన్‌షిప్‌లో మదురై నారాయణ స్కూల్‌కు చెందిన మాస్టర్ ఎం. తమిళ్ నియన్ (అండర్-11 విభాగం) 500 మీటర్ల ఇన్‌లైన్ స్కేటింగ్‌లో సత్తా చాటి బంగారు పతకం (Gold Medal) కైవసం చేసుకున్నాడు.

అలాగే, కుడో ఇంటర్నేషనల్ ఫెడరేషన్ ఇండియా (KIFI) నిర్వహించిన '6వ ఫెడరేషన్ కుడో కప్ - 2025'లో కటక్ నారాయణ స్కూల్‌కు చెందిన విద్యార్థులు మెరిశారు.

ఆయుష్ కుమార్ లెంక (అండర్-12 బాయ్స్, 30 కిలోల విభాగం) - రజత పతకం (Silver Medal)

సులగ్న లెంక (అండర్-15 గర్ల్స్, 54 కిలోల విభాగం) - రజత పతకం (Silver Medal)

యాజమాన్యం హర్షం..

ఈ విజయాలపై నారాయణ విద్యాసంస్థల మేనేజింగ్ డైరెక్టర్ డా. పి. సింధూర నారాయణ హర్షం వ్యక్తం చేశారు. జాతీయ వేదికలపై పతకాలు సాధించిన విద్యార్థులను ఆమె ప్రత్యేకంగా అభినందించారు. ఈ సందర్భంగా ఆమె మాట్లాడుతూ.. "నారాయణలో కేవలం చదువుకే కాకుండా విద్యార్థుల సర్వతోముఖాభివృద్ధికి పెద్దపీట వేస్తాము. క్రీడల్లో రాణించే విద్యార్థులకు హాజరు మినహాయింపు, నగదు ప్రోత్సాహకాలు, మిస్ అయిన పాఠాలకు అదనపు తరగతులు నిర్వహిస్తూ వారి కలలకు మద్దతుగా నిలుస్తున్నాం" అని తెలిపారు.