భారత్‌లో ఎప్పటినుంచో ఎదురుచూస్తున్న ముంబయి-అహ్మదాబాద్‌ బుల్లెట్‌ రైలును అందుబాటులోకి తీసుకొచ్చేందుకు పనులు వేగంగా జరుగుతున్నాయి. ఇందులో భాగంగానే ఈ రెండు నగరాల మధ్య హైస్పీడ్ రైలుకు సంబంధించిన తొలి అధికారిక ఫొటోను రైల్వే మంత్రిత్వ శాఖ తాజాగా రిలీజ్ చేసింది.

ఢిల్లీలోని రైల్వే శాఖ భవనం వద్ద సోమవారం ఈ బుల్లెట్ రైలు ఫొటోను తీశారు. ప్రస్తుతం ఇది సోషల్ మీడియాలో వైరల్ అవుతోంది.

ముస్లింలు రోడ్లపై నమాజ్ చేయొద్దు.. సీఎం యోగీ ఆదిత్యనాథ్ హెచ్చరిక

గంటకు దాదాపు 300 కిలోమీటర్ల గరిష్ట వేగంతో ప్రయాణించేలా ఈ రైలును రూపొందించారు. ఈ హైస్పీడ్ కారిడార్ పూర్తిగా అందుబాటులోకి వస్తే ముంబయి- అహ్మదాబాద్ నగరాల మధ్య ప్రయాణ సమయం గణనీయంగా తగ్గనుంది. ఈ రెండు పారిశ్రామిక నగరాల మధ్య ప్రయాణించేందుకు రైలు లేదా రోడ్డు మార్గంలో ప్రస్తుతం 7 గంటలకు పైగా సమయం పడుతోంది. బుల్లెట్ రైలు అందుబాటులోకి వస్తే 2 గంటల్లోనే ప్రయాణికులు తమ గమ్యస్థానానికి చేరుకోవచ్చు. ప్రాథమిక నమూనా ప్రకారం ఈ రైలులో 8 అడ్వాన్స్‌డ్ కోచ్‌లు ఉండనున్నాయి.