పాక్ రక్షణ మంత్రి ఖవాజా ఆసిఫ్ భారత్ను ఉద్దేశించి తీవ్ర వ్యాఖ్యలు చేశారు. రాబోయే రోజుల్లో యుద్ధం జరిగితే అది గతంలో ఎన్నడూ చూడని రీతిలో ఉంటుందని, తాము భారత్ భూభాగంలోకి చొచ్చుకొచ్చి మరీ దాడులు చేస్తామని బెదిరించారు.

2025 ఏప్రిల్లో ఆపరేషన్ సింధూ

కాగా 2025 ఏప్రిల్లో పహల్గామ్ ఉగ్రదాడిలో 26 మంది భారతీయ సైనికులు వీరమరణం పొందిన తర్వాత, భారత్ 'ఆపరేషన్ సింధూర్'ను చేపట్టింది. కేవలం 22 నిమిషాల్లోనే పాకిస్థాన్లోని తొమ్మిది ఉగ్రవాద స్థావరాలను క్షిపణులు, డ్రోన్ల ద్వారా భారత్ ధ్వంసం చేసింది.

పహల్గామ్ దాడికి ప్రతిచర్యగా భారత్ జరిపిన మెరుపు దాడులతో ఇరు దేశాల మధ్య యుద్ధ వాతావరణం నెలకొంది. పాకిస్థాన్ కూడా తన ఫిరంగి దళాలు, డ్రోన్లతో భారత సైనిక స్థావరాలపై ఎదురుదాడికి దిగింది. చివరకు మే 10, 2025న ఇరు దేశాల మధ్య జరిగిన ప్రత్యక్ష చర్చల తర్వాత కాల్పుల విరమణ ప్రకటించబడింది. అయితే, ప్రస్తుతం ఇరు దేశాల మంత్రులు పరస్పరం చేసుకుంటున్న హెచ్చరికలతో ఆ కాల్పుల విరమణ ఒప్పందం ప్రమాదంలో పడేలా కనిపిస్తోంది.