237 కోట్లకు అమ్ముడుపోయింది. తెలంగాణ స్టేట్ ఇండస్ట్రియల్ ఇన్ఫ్రాస్ట్రక్చర్ కార్పొరేషన్ గురువారం నిర్వహించిన ఈ-వేలంలో ఈ ఆల్టైమ్ రికార్డ్ నమోదైంది.

రాయదుర్గంలోని 6.29 ఎకరాల భూమికి జరిగిన ఈ వేలంలో ప్రముఖ సంస్థ గౌరా వెంచర్స్ ప్రైవేట్ లిమిటెడ్ అత్యధిక ధర పలికి ఈ ల్యాండ్ పార్సిల్ను కైవసం చేసుకుంది. ఇక్కడ అత్యాధునిక ఐటీ ఆఫీస్ టవర్స్, మిక్స్డ్ డెవలప్మెంట్ ప్రాజెక్టులను నిర్మించనున్నట్లు సమాచారం.

భారీ ఆదాయం

ప్రభుత్వం ఈ స్థలానికి ఎకరానికి కనీస ధర రూ. 139 కోట్లుగా నిర్ణయించగా.. గురువారం నాటి బిడ్డింగ్లో ఏకంగా 70 శాతం అదనంగా అంటే రూ. 237 కోట్లు పలికింది. దీనితో కేవలం ఈ 6.29 ఎకరాల భూమి విక్రయం ద్వారానే తెలంగాణ ప్రభుత్వానికి సుమారు రూ. 1,490 కోట్ల భారీ ఆదాయం సమకూరింది. గత ఏడాదిలో ఇదే రాయదుర్గం ప్రాంతంలో ఎకరం రూ. 177 కోట్లు పలికి అప్పట్లో సరికొత్త రికార్డు సృష్టించింది. ఆ రికార్డును ఇప్పుడు రూ. 237 కోట్లతో తిరగరాయడం విశేషం.

రాయదుర్గంలో ప్రభుత్వం మొత్తం 6.29 ఎకరాలు, 5.09 ఎకరాల విస్తీర్ణం గల రెండు ల్యాండ్ పార్సిళ్లను వేలానికి ఉంచింది. గురువారం ఒక స్థలానికి వేలం ముగియగా.. మిగిలిన 5 ఎకరాల ప్లాట్కు జూన్ 1న వేలం నిర్వహించనున్నారు. దేశవ్యాప్తంగా ఉన్న ప్రముఖ నేషనల్ డెవలపర్లు ఈ వేలంలో హోరాహోరీగా పోటీ పడటంతోనే ఈ స్థాయి రికార్డు ధర సాధ్యమైందని అధికారులు తెలిపారు.

ప్రపంచంలోనే అతిపెద్ద కార్పొరేట్ కంపెనీలు, గ్లోబల్ ఐటీ దిగ్గజాలకు రాయదుర్గం నిలయంగా ఉంది. అంతేకాకుండా ప్రతిష్టాత్మక స్టార్టప్ ఇంక్యుబేటర్లు అయిన టీ-హబ్ ,టీ-వర్క్స్ కూడా ఇక్కడే ఉన్నాయి. దీనికి తోడు ఔటర్ రింగ్ రోడ్డు, శంషాబాద్ అంతర్జాతీయ విమానాశ్రయానికి కనెక్టివిటీ చాలా సులభంగా ఉండటంతో ఈ ప్రాంతంలో భూములకు డిమాండ్ విపరీతంగా పెరిగిపోయింది.