TVK Vijay: తమిళనాడు రాజకీయాలు క్షణక్షణానికి అనూహ్య మలుపులు తిరుగుతున్నాయి. అతిపెద్ద పార్టీగా అవతరించిన విజయ్ నేతృత్వంలోని తమిళగ వెట్రి కళగం (TVK) ప్రభుత్వం ఏర్పాటు చేసేందుకు అవసరమైన 10 మంది ఎమ్మెల్యేల మద్దతు కోసం ముమ్మర ప్రయత్నాలు చేస్తోంది.

ఈ క్రమంలో అన్నా డీఎంకే (AIADMK) పార్టీకి చెందిన కొందరు ఎమ్మెల్యేలు విజయ్తో టచ్లోకి వెళ్లారనే వార్తలు రాష్ట్ర రాజకీయాల్లో ప్రకంపనలు సృష్టిస్తున్నాయి.

ప్రస్తుత సమాచారం ప్రకారం, అన్నా డీఎంకేకు చెందిన దాదాపు 10 మంది ఎమ్మెల్యేలు విజయ్ పార్టీకి మద్దతు ఇచ్చేందుకు ఆసక్తి చూపుతున్నట్లు తెలుస్తోంది. ఇప్పటికే ఉన్న 108 సీట్లకు తోడు, ఈ 10 మంది తోడైతే విజయ్ ప్రభుత్వం సునాయాసంగా మ్యాజిక్ ఫిగర్ (118) చేరుకుంటుంది. టీవీకే గాలి బలంగా ఉండటంతో, భవిష్యత్తు రాజకీయ ప్రయోజనాల దృష్ట్యా ఈ ఎమ్మెల్యేలు విజయ్కు మద్దతు తెలపాలని భావిస్తున్నట్లు ప్రచారం జరుగుతోంది.

‘ఫౌజీ’ షూటింగ్ కు వెళ్తుండగా ప్రమాదం.. ఒకరు మృతి!

తమ పార్టీ ఎమ్మెల్యేలు చేజారిపోతున్నారనే వార్తలతో అన్నా డీఎంకే అధినేత ఎడప్పాడి కె. పళనిస్వామి (EPS) అప్రమత్తమయ్యారు. పార్టీని కాపాడుకునేందుకు ఆయన తక్షణ చర్యలు చేపట్టారు. ఈ క్రమంలోనే రేపు (బుధవారం) పార్టీ ప్రధాన కార్యాలయంలో అన్నా డీఎంకే అత్యవసర సమావేశాన్ని ఏర్పాటు చేశారు. ఎన్నికల్లో గెలిచిన ఎమ్మెల్యేలందరూ తప్పనిసరిగా ఈ సమావేశానికి హాజరుకావాలని ఆదేశాలు జారీ చేశారు. ఎమ్మెల్యేలు చేజారిపోకుండా ఉండేందుకు పళనిస్వామి వారిని ఒక రహస్య ప్రాంతానికి లేదా రిసార్ట్కు తరలించే అవకాశం ఉందని విశ్లేషకులు భావిస్తున్నారు. అన్నా డీఎంకే 38 స్థానాల్లో విజయం సాధించినప్పటికీ, అందులో కొందరు అసమ్మతి గళం వినిపిస్తుండటం పళనిస్వామికి తలనొప్పిగా మారింది. పార్టీని ఐక్యంగా ఉంచడం ఇప్పుడు ఆయనకు పెద్ద సవాల్గా మారింది.

'గిల్లి' నుంచి 'లియో' వరకు.. విజయ్-త్రిష హిట్ ట్రాక్ రికార్డ్ ఇదే!

ఒకవైపు అన్నా డీఎంకే ఎమ్మెల్యేల మద్దతు కోసం ప్రయత్నిస్తూనే, మరోవైపు స్వతంత్రులు, ఇతర చిన్న పార్టీల ఎమ్మెల్యేలతో కూడా టీవీకే చర్చలు జరుపుతోంది. గవర్నర్కు ఇచ్చిన హామీ ప్రకారం రెండు వారాల్లో మెజారిటీ నిరూపించుకోవాలంటే, సాధ్యమైనంత త్వరగా 118 మంది మద్దతు లేఖలను సేకరించాలని విజయ్ వ్యూహకర్తలు ప్లాన్ చేస్తున్నారు.

‘దళపతి’ టూ ‘సీఎం’ విజయ్.. విక్టరీతో మారిన ‘జన నాయకన్’ టైటిల్..!

దశాబ్దాల చరిత్ర ఉన్న అన్నా డీఎంకేను చీల్చి విజయ్ అధికారం చేపడతారా? లేక పళనిస్వామి తన ఎమ్మెల్యేలను కాపాడుకోగలరా? అనేది ఇప్పుడు ఆసక్తికరంగా మారింది. ఒకవేళ అన్నా డీఎంకే ఎమ్మెల్యేలు ఫిరాయిస్తే, 'యాంటీ డిఫెక్షన్ లా' (ఫిరాయింపుల నిరోధక చట్టం) పరంగా ఎదురయ్యే పరిణామాలను కూడా టీవీకే న్యాయ బృందం పరిశీలిస్తోంది. మొత్తానికి, తమిళనాడులో ఇప్పుడు కచ్చితమైన 'నెంబర్ గేమ్' నడుస్తోంది. రేపు జరిగే అన్నా డీఎంకే సమావేశం తర్వాత రాష్ట్ర రాజకీయాల్లో ఒక స్పష్టత వచ్చే అవకాశం ఉంది. మరోవైపు విజయ్ రేపు ఉదయం తన పార్టీ అభ్యర్థులతో జరిపే సమావేశం కూడా అత్యంత కీలకం కానుంది.