- ఇది క్లెయిమ్ చేయని ఆర్థిక ఆస్తులకు సంబంధించిన బహుళ సెర్చ్ సదుపాయాలను ఒకే చోట అందించే సింగిల్ ఆన్లైన్ ప్లాట్ఫారమ్. గతంలో ప్రజలు తమ పాత డిపాజిట్లు లేదా ఆస్తుల కోసం వేర్వేరు బ్యాంకులు, ఆర్థిక సంస్థల వెబ్సైట్లను విడివిడిగా సందర్శించాల్సి వచ్చేది.
- కానీ ఇప్పుడు ఈ 'సింగిల్ గేట్వే' ద్వారా సంబంధిత సెర్చ్ సిస్టమ్స్ను ఒకే క్లిక్తో సులభంగా యాక్సెస్ చేయవచ్చు.
- దీనిని పబ్లిక్ సెక్టార్ బ్యాంక్స్ (PSB) అలయన్స్ భాగస్వామ్యంతో అభివృద్ధి చేశారు.
ఈ పోర్టల్ ద్వారా పౌరులు ఆర్థిక వ్యవస్థలోని వివిధ విభాగాలకు చెందిన కింది సమాచారాన్ని ఒకే చోట సెర్చ్ చేయవచ్చు.
- క్లెయిమ్ చేయని బ్యాంకు డిపాజిట్లు
- క్లెయిమ్ చేయని బీమా సొమ్ము
- షేర్లు మరియు సెక్యూరిటీలు
- చెల్లించని డివిడెండ్లు
- మ్యూచువల్ ఫండ్ పెట్టుబడుల
- ఇతర అర్హత కలిగిన ఆర్థిక ఆస్తులు
- ఈ పోర్టల్ దేశవ్యాప్తంగా కేంద్రం చేపట్టిన 'ఆప్ కీ పూంజీ, ఆప్ కా అధికార్' (మీ డబ్బు, మీ హక్కు) అనే ప్రచారంలో ఒక ముఖ్యమైన భాగం. ఆర్థిక రంగ రెగ్యులేటర్లు, ప్రభుత్వ-ప్రైవేట్ బ్యాంకులు, బీమా సంస్థలు, మార్కెట్ మధ్యవర్తులతో కలిసి ఆర్థిక సేవల విభాగం ఈ ప్రచారాన్ని నిర్వహిస్తోంది. చట్టబద్ధంగా ప్రజలకు చెందాల్సిన, కానీ మర్చిపోయిన లేదా క్లెయిమ్ చేయని నిధులను తిరిగి వారు పొందేలా అవగాహన కల్పించడమే దీని ప్రధాన ఉద్దేశం.
- ఈ ప్లాట్ఫారమ్ పూర్తిగా పౌరుల సౌలభ్యాన్ని దృష్టిలో ఉంచుకుని రూపొందించబడింది.
- సింగిల్ విండో సదుపాయం: ఒకే చోట సమాచారం లభించడం వల్ల బహుళ వెబ్సైట్లను వెతికే శ్రమ తప్పుతుంది.
- సమయం ఆదా: సులభమైన యాక్సెస్ ద్వారా ప్రజల సమయం, వనరులు ఆదా అవుతాయి.
- పారదర్శకత: ఆర్థికపరమైన హక్కులపై ప్రజల్లో అవగాహన పెరుగుతుంది. ఆస్తులను ట్రాక్ చేసే ప్రక్రియ మరింత సులభతరం అవుతుంది.
- టెక్నాలజీ ఆధారిత పరిష్కారాలతో బ్యాంకింగ్ సేవలను మెరుగుపరిచే 'PSB అలయన్స్', ఈ డిజిటల్ ప్లాట్ఫారమ్ను రూపొందించడంలో కీలక పాత్ర పోషించింది. భారతదేశ వ్యాప్తంగా కస్టమర్-సెంట్రిక్ బ్యాంకింగ్ సేవలకు మద్దతు ఇచ్చే డిజిటల్ మౌలిక సదుపాయాలను ఈ సంస్థ అభివృద్ధి చేసింది.
☛Follow our YouTube Channel (Click Here)
☛ Follow our Facebook Page (Click Here)
☛ Follow our Instagram Page (Click Here)
☛ Join our WhatsApp Channel (Click Here)
☛ Join our Telegram Channel (Click Here)