• కేంద్ర ప్రభుత్వం ప్రతిష్టాత్మకంగా చేపట్టిన 'మిషన్ మౌసమ్' లో భాగంగా ఈ అధునాతన ఏవియేషన్ వెదర్ మానిటరింగ్ సిస్టమ్‌ను అభివృద్ధి చేశారు.
• ఈ సాంకేతికతను మోహరించిన 19వ దేశంగా భారత్ నిలిచింది.

• శీతాకాలంలో దిల్లీ పరిసర ప్రాంతాలను కమ్మేసే దట్టమైన పొగమంచు, గాలిలో అల్లకల్లోలం మరియు తక్కువ విజిబిలిటీ వల్ల విమానాలు ఆలస్యం కావడం, రద్దు కావడం వంటి సమస్యలను ఇది గణనీయంగా తగ్గిస్తుంది.

ఇది విమానాశ్రయం చుట్టూ ఉన్న వాతావరణ పరిస్థితులను నిరంతరం పర్యవేక్షిస్తూ, నిజసమయ వాతావరణ సమాచారాన్ని అందించే ఒక అధునాతన ఇంటిగ్రేటెడ్ ప్లాట్‌ఫారమ్. విమానాల ల్యాండింగ్, టేక్-ఆఫ్ సమయంలో పైలట్లు, ఎయిర్ ట్రాఫిక్ కంట్రోలర్లు (ATC) సరైన నిర్ణయాలు తీసుకోవడానికి ఇది కింది అంశాలపై ఖచ్చితమైన డేటాను అందిస్తుంది.

• పొగమంచు ఏర్పడే ప్రక్రియ, విజిబిలిటీ (కంటిచూపు) స్థాయిలు.
• గాలి వేగం, దిశ మరియు గాలిలోని అల్లకల్లోలం.
• వాతావరణ ఉష్ణోగ్రత, తేమ శాతం మరియు ఏరోసోల్ సాంద్రత.

• ఈ వ్యవస్థ విమానాశ్రయానికి పైగా దాదాపు 3 కిలోమీటర్ల ఎత్తు వరకు ఉన్న వాతావరణ పరిస్థితులను క్షుణ్ణంగా అంచనా వేయగలదు. దీనికోసం ప్రపంచంలోనే అత్యంత అధునాతనమైన కింది పరికరాలను ఇందులో ఉపయోగించారు.
• రాడార్ విండ్ ప్రొఫైలర్ : ఇది స్కైకాస్ట్ వ్యవస్థకు గుండెకాయ వంటిది. ఇది గాలి వేగం, దిశ, నిలువు గాలి కదలికలు, బౌండరీ-లేయర్ డైనమిక్స్‌ను నిరంతరం కొలుస్తుంది.
• GFAS : శీతాకాలంలో కాలుష్యం కారణంగా దిల్లీలో పొగమంచు తీవ్రత పెరుగుతుంది. ఈ పరికరం మంచు బిందువులు, ఏరోసోల్ కణాలు మరియు కాలుష్యం-మంచు మధ్య జరిగే చర్యలను అధ్యయనం చేస్తుంది.
• లిడార్-ఆధారిత సీలోమీటర్ : ఇది మంచు యొక్క లోతు, మేఘాల పొరలు మరియు నిలువు విజిబిలిటీని పర్యవేక్షిస్తూ రన్‌వే విజిబిలిటీ కండిషన్స్‌ను రియల్-టైమ్‌లో అంచనా వేయడానికి సహాయపడుతుంది.
• SODAR & మైక్రోవేవ్ రేడియోమీటర్: ఇవి శబ్ద తరంగాలు మరియు మైక్రోవేవ్ రేడియేషన్ ద్వారా వాతావరణ పొరలను విశ్లేషిస్తాయి.

• భారతీయ విమానయాన రంగం ఎదుర్కొంటున్న అతిపెద్ద సవాలు శీతాకాలపు దట్టమైన పొగమంచు.
• స్కైకాస్ట్ వ్యవస్థ ప్రతికూల వాతావరణ పరిస్థితులను కొన్ని గంటల ముందే అంచనా వేసి షార్ట్-టర్మ్ వెదర్ అలర్ట్‌లను పంపుతుంది.
• దీనివల్ల విమానాలు వేరే ప్రాంతాలకు మళ్లించడం, నిలిపివేయడం వంటి సమస్యలు తగ్గి, ఎయిర్‌లైన్స్ సంస్థలు ముందే ప్రణాళికలు సిద్ధం చేసుకోవడానికి వీలవుతుంది.

• భారతదేశ వాతావరణ అంచనా మౌలిక సదుపాయాలను ఆధునీకరించేందుకు కేంద్ర ప్రభుత్వం ప్రారంభించిన ప్రతిష్టాత్మక కార్యక్రమమే 'మిషన్ మౌసమ్'. ఇందులో భాగంగా అధునాతన అబ్జర్వేషన్ నెట్‌వర్క్‌లు, ఆర్టిఫిషియల్ ఇంటెలిజెన్స్ (AI) ఆధారిత వాతావరణ నమూనాలు మరియు హై-రెజల్యూషన్ మానిటరింగ్ సిస్టమ్‌లను ఉపయోగించి వివిధ రంగాలలో వాతావరణ నష్టాలను తగ్గించాలని లక్ష్యంగా పెట్టుకున్నారు.

☛Follow our YouTube Channel (Click Here)