ఈ స్కాలర్షిప్ అవకాశాన్ని ఏపీ విద్యార్థినులు సద్వినియోగం చేసుకోవాలని రాష్ట్ర మంత్రి కొండపల్లి శ్రీనివాస్ సూచించారు. డిగ్రీ మొదటి సంవత్సరం చదువుతున్న ప్రతి విద్యార్థిని ఈ పథకానికి దరఖాస్తు చేసుకునేలా అవగాహన కల్పించాలని వెలుగు సిబ్బంది, వీఓఏలను ఆదేశించారు.
ఈ స్కాలర్‌షిప్‌కు దరఖాస్తు చేసుకునే విద్యార్థినులు కింది అర్హతలను కలిగి ఉండాలి.
- 2026-27 విద్యా సంవత్సరంలో డిగ్రీ లేదా డిప్లొమా కోర్సుల్లో ప్రవేశం పొంది ఉండాలి.
- విద్యార్థిని గత విద్యాభ్యాసాన్ని ప్రభుత్వ పాఠశాల లేదా ప్రభుత్వ కళాశాలలో పూర్తి చేసి ఉండాలి.
- ఆర్థికంగా వెనుకబడిన కుటుంబాలకు చెందిన విద్యార్థినులకు ప్రాధాన్యం ఉంటుంది.
- ఉన్నత విద్య కొనసాగిస్తున్న అమ్మాయిలు ఈ అవకాశాన్ని వినియోగించుకోవచ్చు.
- ఎంపికైన ప్రతి విద్యార్థినికి ఏడాదికి రూ.30,000 ఆర్థిక సాయం అందుతుంది.
- విద్యార్థిని చదివే కోర్సు ఆధారంగా ఈ స్కాలర్షిప్ 2 నుంచి 5 సంవత్సరాల వరకు కొనసాగుతుంది.
అర్హత కలిగిన విద్యార్థినులు రెండు విడతల్లో దరఖాస్తు చేసుకోవచ్చు.
- మొదటి విడత దరఖాస్తుల చివరి తేదీ: ఆగస్టు 31
- రెండో విడత దరఖాస్తుల తేదీలు: జనవరి 1 నుంచి జనవరి 31 వరకు
అర్హత కలిగిన అమ్మాయిలు ఈ అవకాశాన్ని వినియోగించుకుని ఉన్నత విద్యలో రాణించాలని మంత్రి కొండపల్లి శ్రీనివాస్ సూచించారు. ఆర్థిక పరిస్థితులు చదువుకు అడ్డంకిగా మారకూడదని, ప్రతి విద్యార్థిని ఉన్నత లక్ష్యాలను చేరుకోవాలని ఆకాంక్షించారు.
మరోవైపు ఆంధ్రప్రదేశ్ ప్రభుత్వం బీసీ విద్యార్థులకు కార్పొరేట్ స్థాయి విద్య అందించేందుకు రెండు ఎక్స్లెన్స్ సెంటర్ల ఏర్పాటుకు అనుమతులు ఇచ్చింది.
ఈ సెంటర్లను:
- అమలాపురం (బాలురు)
- తిరుపతి (బాలికలు) ప్రాంతాల్లో ఏర్పాటు చేయనున్నారు.
ఈ ఎక్స్లెన్స్ సెంటర్లలో రెసిడెన్షియల్‌ విధానంలో ఇంటర్మీడియట్ విద్యతో పాటు JEE, NEET శిక్షణ కూడా అందించనున్నారు.
- ఎంపీసీ, బైపీసీ గ్రూపుల్లో విద్యార్థులకు అవకాశం కల్పిస్తారు.
- జూనియర్ ఇంటర్‌లో 160 మంది, సీనియర్ ఇంటర్‌లో 160 మంది చొప్పున ప్రవేశాలు కల్పించనున్నారు.
- ఈ విద్యా సంవత్సరం నుంచే సెంటర్లు ప్రారంభం కానున్నాయి.
- నిర్వహణ కోసం ఏపీ ప్రభుత్వం ఏడాదికి సుమారు రూ.6.86 కోట్లు ఖర్చు చేయనుంది.
ఏపీ విద్యార్థినులకు ఉన్నత విద్యకు ఆర్థిక భరోసా కల్పించే ఈ స్కాలర్షిప్, బీసీ విద్యార్థులకు అందించే ఎక్స్లెన్స్ సెంటర్లు విద్యా అవకాశాలను మరింత విస్తరించనున్నాయి.
  |   |  |