దీని ప్రభావం పిల్లల శారీరక ఎదుగుదల, రోగనిరోధక శక్తి, జ్ఞాపకశక్తి, చదువులో ప్రతిభపై పడుతోంది.

ఈ సమస్యను ముందుగానే గుర్తించి నివారించేందుకు పరిశోధకులు సాధారణంగా తీసుకునే ఆహారాన్ని 13 ప్రత్యేక ఆహార సమూహాలుగా విభజించి 'డైట్ డైవర్సిటీ స్కోర్'ను రూపొందించారు.

ఈ విధానంలో పిల్లలు రోజంతా తీసుకునే వివిధ ఆహార పదార్థాలను క్రింది విభాగాలుగా పరిగణిస్తారు.

• పాలు, పాల ఉత్పత్తులు
• తృణధాన్యాలు
• చిరుధాన్యాలు
• పప్పుధాన్యాలు
• ఆకుకూరలు
• ఇతర కూరగాయలు
• కందమూలాలు
• పండ్లు
• గుడ్లు
• మాంసాహారం
• గింజలు
• ఆరోగ్యకరమైన కొవ్వులు
• విటమిన్-A అధికంగా ఉండే ఆహారాలు (క్యారెట్, క్యాప్సికమ్, తోటకూర, బొప్పాయి, మామిడి తదితరాలు)

Agri & Horticulture Courses : తెలంగాణలో అగ్రి, ఉద్యాన డిగ్రీ అడ్మిషన్లకు నోటిఫికేషన్ విడుదల.. దరఖాస్తులు ప్రారంభం!!

భారతీయ ఆహారపు అలవాట్లను దృష్టిలో పెట్టుకుని శాస్త్రవేత్తలు ఈ స్కోరింగ్ విధానాన్ని రూపొందించారు. ప్రతి ఆహార సమూహం నుంచి కనీసం 5 గ్రాముల ఆహారం తీసుకున్నా ఆ గ్రూప్‌ను స్కోర్‌లో పరిగణిస్తారు.

పరిశోధనలో వెల్లడైన వివరాల ప్రకారం...

• రోజుకు 13 ఆహార సమూహాల్లో కనీసం 10 సమూహాల నుంచి ఆహారం తీసుకునే పిల్లలు
• తమకు అవసరమైన సుమారు 70 శాతం సూక్ష్మపోషకాలను పొందగలుగుతున్నారు.
• అలాగే వారి హిమోగ్లోబిన్ స్థాయిలు కూడా మెరుగుపడుతున్నాయి.

ఈ అధ్యయనానికి నాయకత్వం వహించిన శాస్త్రవేత్త డాక్టర్ ఎం. గవరవరపు సుబ్బారావు మాట్లాడుతూ, పిల్లలు తీసుకునే ఆహారంలోని వైవిధ్యాన్ని అంచనా వేయడం ద్వారా వారి పోషకాహార స్థితిని సులభంగా గుర్తించవచ్చని తెలిపారు. క్లిష్టమైన పోషకాహార లెక్కలను సరళమైన స్కోరింగ్ విధానంగా మార్చడం వల్ల పిల్లల్లో సూక్ష్మపోషకాల లోపాన్ని ముందుగానే గుర్తించి తగిన పోషకాహారాన్ని అందించేందుకు ఇది ఉపయోగపడుతుందని పేర్కొన్నారు.

AI యుగానికి కాలేజీలు సిద్ధమా?.. QS నివేదికలో ఆందోళనకర నిజాలు!

ఎన్‌ఐఎన్ డైరెక్టర్ డాక్టర్ భారతి కులకర్ణి మాట్లాడుతూ, ఈ డైట్ డైవర్సిటీ స్కోర్ విధానం...

• పాఠశాల ఆరోగ్య కార్యక్రమాలు,
• ఐసీడీఎస్ (ICDS),
• అంగన్‌వాడీ కేంద్రాలు,
• ఉపాధ్యాయులు,
• తల్లిదండ్రులు,
• పోషకాహార నిపుణులు

చిన్నారుల పోషకాహార స్థితిని సులభంగా అంచనా వేయడానికి ఎంతో ఉపయోగపడుతుందని తెలిపారు.

• పిల్లల్లో సూక్ష్మపోషకాల లోపాన్ని ముందుగానే గుర్తించే అవకాశం
• ఐరన్, కాల్షియం, విటమిన్-A, విటమిన్-B12 లోపాల నివారణకు దోహదం
• హిమోగ్లోబిన్ స్థాయిలు మెరుగుపడే అవకాశం
• పిల్లల ఎదుగుదల, రోగనిరోధక శక్తి, మేధస్సు అభివృద్ధికి సహకారం
• పాఠశాలలు, అంగన్‌వాడీ కేంద్రాలు, తల్లిదండ్రులకు సులభమైన పోషకాహార అంచనా విధానం

పిల్లల ఆరోగ్యకరమైన ఎదుగుదలకు ప్రతిరోజూ వైవిధ్యమైన పోషకాహారం అందించడం ఎంత ముఖ్యమో ఈ కొత్త 'డైట్ డైవర్సిటీ స్కోర్' మరోసారి స్పష్టం చేస్తోంది.