ఈ శిక్షణలో భాగంగా విద్యార్థులకు:

• మెషిన్ గన్స్‌ గురించి ప్రాథమిక అవగాహన
• యాంటీ ట్యాంక్ ఆయుధాల పరిచయం
• హ్యాండ్ గ్రెనేడ్లపై సమాచారం
• అత్యవసర పరిస్థితుల్లో ఫీల్డ్ మెడిసిన్
• ప్రాథమిక చికిత్స పద్ధతులు
• సైనిక క్రమశిక్షణ వంటి అంశాలను బోధించనున్నారు.

రష్యా విద్యా మంత్రిత్వ శాఖ కొత్త పాఠ్య ప్రణాళికలో ఈ కోర్సుకు ప్రత్యేక ప్రాధాన్యం ఇచ్చింది. ఇందులోని తరగతుల్లో సగం సమయాన్ని సైనిక శిక్షణకు కేటాయించాలని సూచించింది.

గతంలో కొన్ని పాఠశాలల్లో పరిమిత స్థాయిలో ఇలాంటి శిక్షణ ఉండేది. అయితే ప్రస్తుతం దీనిని మరింత విస్తరించి చిన్న వయసు విద్యార్థులకు కూడా అందుబాటులోకి తీసుకురావడం గమనార్హం.

రష్యా ప్రభుత్వం ఈ మార్పుల వెనుక ప్రధాన ఉద్దేశం యువతలో దేశభక్తి, సైనిక క్రమశిక్షణ, అత్యవసర పరిస్థితులను ఎదుర్కొనే సామర్థ్యం పెంచడమేనని చెబుతోంది.

అయితే ఈ విధానాన్ని పలువురు విద్యా నిపుణులు పాఠశాల విద్యలో పెరుగుతున్న సైనికీకరణగా అభివర్ణిస్తున్నారు.

Psychology Career: సైకాలజిస్ట్‌గా మారాలనుకుంటున్నారా? మంచి కెరీర్‌ అవకాశాలు.. కోర్సులు, అర్హతలు, ఉద్యోగ వివరాలు!

రష్యాలోని పాఠశాలల్లో కొత్త విద్యా సంవత్సరం సెప్టెంబర్‌ 1న ప్రారంభమైంది. ఈ రోజును రష్యాలో 'నాలెడ్జ్ డే' (Knowledge Day)గా నిర్వహిస్తారు.

ఇటీవలి సంవత్సరాలుగా రష్యా అధ్యక్షుడు వ్లాదిమిర్ పుతిన్ ఈ సందర్భంగా విద్యార్థులతో 'ముఖ్యమైన విషయాలపై సంభాషణలు' పేరుతో ప్రత్యేక తరగతులు నిర్వహిస్తున్నారు.

ఈ తరగతుల్లో దేశభక్తి, రష్యా చరిత్ర వంటి అంశాలను బోధిస్తున్నారు. 2022లో ఈ కార్యక్రమాన్ని తప్పనిసరి చేశారు.

రష్యా ఆధీనంలోని తూర్పు, దక్షిణ ఉక్రెయిన్ ప్రాంతాల్లో పాఠశాల విద్యా విధానంలో కూడా మార్పులు చేస్తున్నారు. కొత్త ప్రభుత్వ ఆమోదిత చరిత్ర పాఠ్యపుస్తకాల్లో డొనెట్స్క్‌, లుహాన్స్క్‌, జపోరిజ్జియా, ఖెర్సాన్ ప్రాంతాలకు సంబంధించిన అంశాలను రష్యా దృక్పథంతో బోధించనున్నట్లు సమాచారం.

అలాగే చిన్నారుల కోసం కిండర్‌గార్టెన్ స్థాయిలోనూ ఆటల ఆధారంగా దేశభక్తి అంశాలను పరిచయం చేసే కార్యక్రమాలను ప్రారంభిస్తున్నారు.

మొత్తంగా చూస్తే, రష్యా పాఠశాలల్లో పుస్తక విద్యతో పాటు రక్షణ, సైనిక అంశాలకు ప్రాధాన్యం పెరుగుతోంది. ఈ మార్పులు భవిష్యత్ తరాన్ని ఎలా ప్రభావితం చేస్తాయన్న దానిపై అంతర్జాతీయ స్థాయిలో చర్చ కొనసాగుతోంది.