అమెరికాలో హైదరాబాద్ కు చెందిన సాఫ్ట్ వేర్ ఉద్యోగి మృతి చెందాడు. మృతదేహం కోసం కుటుంబసభ్యుల ఎదురు చూస్తున్న సంఘటన హైదరాబాద్లో చోటు చేసుకుంది. వివరాల్లోకి వెళితే.. నవంబర్ 27న అనారోగ్యంతో న్యూయార్క్ సిటీ బాఫెల్లో లో బోడుప్పల్ మేడిపల్లి కి చెందిన సాఫ్ట్వేర్ శ్రీధర్ పానుగంటి చనిపోయాడు.
అమెరికాలో తెలిసిన వారు ఎవరు లేకపోవటం అక్కడి అధికారుల నుంచి సరైన స్పందన లేకపోవటంతో ఆ కుటుంబ సభ్యులు కన్నీరు మున్నీరుగా విలపిస్తున్నారు. కనీసం ఆఖరి చూపుకైనా నోచుకోలేక పోతున్నామే అనే బాధలో కుటుంబ సభ్యులున్నారు.
తెలంగాణ ప్రభుత్వం అమెరికా అధికారులతో సంప్రదించి శ్రీధర్ మృతదేహం త్వరగా వచ్చేలా చూడాలని వేడుకుంటున్నారు.