జనీష్ వ్యాఖ్యానించారు.

ప్రభుత్వాల ప్రజావ్యతిరేక విధానాలను, నిరంకుశ ధోరణులను బలమైన ప్రజాస్వామ్య ఉద్యమాల ద్వారా సరిదిద్దవచ్చనే అత్యంత కీలకమైన సందేశాన్ని సుప్రీంకోర్టు తీర్పు ఇచ్చిందని ఆయన పేర్కొన్నారు. నీట్ పరీక్ష అవకతవకలకు వ్యతిరేకంగా జంతర్‌మంతర్‌తో పాటు దేశవ్యాప్తంగా వివిధ ప్రాంతాల్లో నిరసనలకు దిగిన విద్యార్థులు, యువత చేసిన పోరాటానికి ఈ తీర్పు గుర్తింపుగా నిలిచిందన్నారు.

బెదిరింపులు, లాఠీచార్జీలను ఎదుర్కొంటూ విద్యార్థులు, యువత నిరసన కార్యక్రమాల్లో పాల్గొన్నారని, వారి ప్రజాస్వామ్య పోరాటానికి ఇప్పుడు న్యాయం జరిగిందని మంత్రి జనీష్ వ్యాఖ్యానించారు. ప్రశ్నపత్రాల లీకేజీ కారణంగా ప్రాణాలు కోల్పోయిన విద్యార్థుల కుటుంబాలకు న్యాయం జరిగేలా చేయడమే కాకుండా, ప్రజాస్వామ్యబద్ధంగా నిరసన తెలిపే హక్కును పరిరక్షించడంలో కూడా సుప్రీంకోర్టు ఈ నిర్ణయం అత్యంత కీలకమని ఆయన అన్నారు.

నీట్ పరీక్ష ప్రశ్నపత్రాల లీకేజీ, ఇతర అవకతవకలపై దేశవ్యాప్తంగా విద్యార్థులు, యువజన సంఘాలు పెద్ద ఎత్తున ఆందోళనలు నిర్వహించిన విషయం తెలిసిందే. ఈ నిరసనలకు సంబంధించి నమోదైన ఎఫ్‌ఐఆర్‌లను రద్దు చేస్తూ సుప్రీంకోర్టు తీసుకున్న నిర్ణయం ప్రజాస్వామ్య హక్కుల పరిరక్షణలో ఒక ముఖ్యమైన మైలురాయిగా నిలుస్తుందని మంత్రి ఓ.జె. జనీష్ అభిప్రాయపడ్డారు.