Thursday, 29 Jul, 12.23 pm SMTV 24x7 NEWS

వ్యాపారం
ఈఎంఐ కట్టే వారికి అలర్ట్...ఒకటో తేదీ కొత్త రూల్స్

ఇంకొన్ని రోజుల్లో కొత్త నెలలోకి అడుగు పెట్టబోతున్నాం. ఆగస్ట్ 1 రావడంతోపాటు కొత్త రూల్స్ కూడా తీసుకువస్తోంది. ఒకటో తేదీ నుంచి పలు అంశాలు మారబోతున్నాయి. వీటిల్లో లోన్ ఈఎంఐ అంశం కూడా ఒకటుంది. అందువల్ల బ్యాంక్ లేదా ఇతర ఆర్థిక సంస్థల నుంచి లోన్ తీసుకొని ఉంటే.. ఈ విషయాన్ని కచ్చితంగా తెలుసుకోవాల్సిందే. లేదంటే ఇబ్బంది పడాల్సి వస్తుంది. ఆగస్ట్ 1 నుంచి నేషనల్ ఆటోమేటెడ్ క్లియరింగ్ హౌస్ నిబంధనలు మారబోతున్నాయి. ఈ సేవలు ఇక ఎల్లప్పుడూ అందుబాటులో ఉంటాయి. దీంతో లోన్ ఈఎంఐ చెల్లించే వారు జాగ్రత్తగా ఉండాలి. లేదంటే పెనాల్టీల బాదుడు భరించాల్సి వస్తుంది. సాధారణంగా ఆదివారం సహా ఇతర బ్యాంక్ హాలిడేస్ వంటివి వస్తే.. ఆ రోజు లోన్ ఈఎంఐ కట్ కాదు. మీ బ్యాంక్ అకౌంట్‌లో డబ్బులు అలానే ఉంటాయి. తర్వాతి రోజున అంటే వర్కింగ్ డే రోజున లోన్ ఈఎంఐ డబ్బులు బ్యాంక్ ఖాతా నుంచి డబ్బులు కట్ అవుతాయి. ప్రస్తుతం ఇలానే జరుగుతోంది. అయితే ఒకటో తేదీ నుంచి మాత్రం..

ఆదివారాలు, బ్యాంక్ హాలిడేస్‌తో నిమిత్తం లేకుండా మీ ఈఎంఐ ఏ రోజు ఉంటే ఆ రోజు ఈఎంఐ డబ్బులు కట్ అవుతాయి. అందువల్ల మీరు బ్యాంక్ హాలిడే కదా అని డబ్బులు పెట్టుకోకపోతే ఈఎంఐ కట్ అవ్వదు. దీంతో బ్యాంకులు మీ నుంచి చార్జీలు వసూలు చేస్తాయి. అందువల్ల ఈ కొత్త రూల్ తెలుసుకోవాలి.

దీని వల్ల కొన్ని బెనిఫిట్స్ కూడా ఉన్నాయి. ఉద్యోగుల వేతనాలు కరెక్ట్‌ తేదీకే వస్తాయి. హాలిడే కదా అని తర్వాతి రోజుల శాలరీ మీ ఖాతాలో జమ కాదు. హాలిడే రోజు అయినా కూడా డబ్బులు వచ్చేస్తాయి. అలాగే పెన్షన్ చెల్లింపులు వంటివి కూడా క్రమం తప్పకుండా ఉంటాయి.
Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: SMTV Telugu
Top