Monday, 14 Jun, 5.22 pm SMTV 24x7 NEWS

వ్యాపారం
రోజుకు రూ.95 పొదుపుతో ఏకంగా రూ.14 లక్షల లాభం

చిన్న మొత్తంలో పొదుపు చేసి అదిరిపోయే రాబడి పొందాలని భావిస్తున్నారా? అయితే మీకు శుభవార్త. మీకోసం ఒక ఆప్షన్ అందుబాటులో ఉంది. పోస్టాఫీస్ అదిరిపోయే పథకాన్ని అందిస్తోంది. ఇందులో ప్రతి నెలా తక్కువ డబ్బుతోనే మంచి రాబడి పొందొచ్చు. పోస్టాఫీస్‌లో పోస్టల్ ఇన్సూరెన్స్ స్కీమ్స్ ఉన్నాయి. వీటిల్లో గ్రామ్ సుమంగల్ రూరల్ పోస్టల్ లైఫ్ ఇన్సూరెన్స్ స్కీమ్ కూడా ఒకటి. ఇందులో మీరు రోజుకు రూ.95 పొదుపుతో ఏకంగా రూ.14 లక్షలు పొందొచ్చు. ఇది ఎండోమెంట్ ప్లాన్. అంటే మీకు డబ్బులు వెనక్కి వస్తాయి. మీరు 15 లేదా 20 ఏళ్ల టర్మ్‌తో ఈ పాలసీ తీసుకోవచ్చు. మెచ్యూరిటీ కన్నా ముందుగా 3 సార్లు డబ్బులు వస్తాయి. గరిష్టంగా రూ.10 లక్షల మొత్తానికి పాలసీ తీసుకోవచ్చు. మెచ్యూరిటీ తర్వాత పాలసీదారుడు జీవించి ఉంటే డబ్బులు చెల్లిస్తారు. ఒకవేళ చనిపోతే కుటుంబ సభ్యులకు లేదా నామినీకి డబ్బులు అందిస్తారు. 19 ఏళ్ల వయసు ఉన్న వారు ఆ స్కీమ్‌లో చేరొచ్చు. 45 ఏళ్లలోపు వయసు ఉన్న వారు పాలసీ పొందొచ్చు.

15 ఏళ్లు, 20 ఏళ్లు టర్మ్‌తో మీరు ఈ పాలసీ తీసుకోవచ్చు. ఉదాహరణకు 25 ఏళ్ల వయసులో ఉన్న వారు 20 ఏళ్ల టర్మ్‌తో పాలసీ తీసుకుంటే.. ఏడాదికి రూ.32,735 ప్రీమియం కట్టాలి. అంటే మూడు నెలలకు రూ.8449 పడుతుంది.

నెలకు రూ.2853 అవుతుంది. అంటే మీరు రోజుకు రూ.95 ఆదా చేస్తే సరిపోతుంది. పాలసీ తీసుకున్న 8వ ఏడాది రూ.1.4 లక్షలు, 12వ ఏడాది రూ.1.4 లక్షలు, 16వ ఏడాది రూ.1.4 లక్షలు వస్తాయి. 20వ ఏడాది రూ.2.8 లక్షలు ఇస్తారు. ఇక బోనస్ కింద రూ.6.72 లక్షలు వస్తాయి. మొత్తంగా రూ.14 లక్షల వరకు లభిస్తాయి.
Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: SMTV Telugu
Top