Friday, 03 Jul, 3.26 pm SMTV 24x7 NEWS

వ్యాపారం
వన్ స్మార్ట్ ఫోన్ సిరీస్ లో కొత్త ఫోన్ ను లాంచ్ చేసిన మోటొరోలా

మోటొరోలా తన వన్ స్మార్ట్ ఫోన్ సిరీస్ లో కొత్త ఫోన్ ను లాంచ్ చేసింది. అదే మోటొరోలా వన్ ఫ్యూజన్ స్మార్ట్ ఫోన్. ఈ మోటొరోలా వన్ ఫ్యూజన్ స్మార్ట్ ఫోన్ గతంలో లాంచ్ అయిన వన్ ఫ్యూజన్ ప్లస్ స్మార్ట్ ఫోన్ కు కాస్త టోన్ డౌన్ వెర్షన్. అయితే ప్రస్తుతానికి ఈ కొత్త మోటొరోలా ఫోన్ లాటిన్ అమెరికా దేశాల్లో అందుబాటులో ఉంది. మిగతా దేశాల్లో కూడా త్వరలో లాంచ్ చేస్తామని మోటొరోలా తెలిపింది. ఇందులో క్వాల్ కాం స్నాప్ డ్రాగన్ 710 ప్రాసెసర్ ను అందించారు. వెనకవైపు నాలుగు కెమెరాలు, 5000 ఎంఏహెచ్ బ్యాటరీ కూడా ఇందులో అందుబాటులో ఉన్నాయి. ఈ స్మార్ట్ ఫోన్ ధరను చిలీలో 1,99,990 పెసోలుగా(సుమారు రూ.18,650) నిర్ణయించారు. ఇందులో కేవలం 4 జీబీ ర్యామ్ + 64 జీబీ స్టోరేజ్ వేరియంట్ మాత్రమే అందుబాటులో ఉంది. ఎమరాల్డ్ గ్రీన్, ఓషన్ బ్లూ రంగుల్లో ఈ ఫోన్‌ను కొనుగోలు చేయవచ్చు. మనదేశంలో వన్ ఫ్యూజన్ ప్లస్ రూ.16,999 ధరతో లాంచ్ అయింది. కాబట్టి ఈ ఫోన్ దానికంటే తక్కువ ధరకే భారతదేశంలో లాంచ్ అయ్యే అవకాశం ఉంది. ఈ ఫోన్ స్పెసిఫికేషన్ల విషయానికి వస్తే..

ఇందులో 6.5 అంగుళాల మ్యాక్స్ విజన్ హెచ్ డీ+ డిస్ ప్లేను అందించారు. క్వాల్ కాం స్నాప్ డ్రాగన్ 710 ప్రాసెసర్ పై ఈ ఫోన్ పనిచేయనుంది. 4 జీబీ వరకు ర్యామ్ ను ఇందులో అందించారు. 64 జీబీ ఇంటర్నల్ స్టోరేజ్ అందుబాటులో ఉంది.

దీన్ని మైక్రో ఎస్ డీ కార్డు ద్వారా పెంచుకోవచ్చు. వెనకవైపు నాలుగు కెమెరాలను అందించారు. వీటిలో ప్రధాన కెమెరా సామర్థ్యం 48 మెగా పిక్సెల్ కాగా, 8 మెగా పిక్సెల్ వైడ్ యాంగిల్ కెమెరా, 5 మెగా పిక్సెల్ మాక్రో సెన్సార్, 2 మెగా పిక్సెల్ డెప్త్ సెన్సార్లు కూడా ఇందులో ఉన్నాయి. సెల్ఫీలు, వీడియో కాల్స్ కోసం ముందువైపు 8 మెగా పిక్సెల్ కెమెరాను అందించారు.

కనెక్టివిటీ విషయానికి వస్తే.. ఇందులో బ్లూటూత్ వీ5.0, వైఫై, 4జీ ఎల్టీఈ, జీపీఎస్ ఫీచర్లు కూడా ఉన్నాయి. ఇందులో గూగుల్ అసిస్టెంట్ బటన్ కూడా అందుబాటులో ఉంది. 5000 ఎంఏహెచ్ బ్యాటరీని ఇందులో అందించారు. దీని బరువు 202 గ్రాములుగా ఉంది.
Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: SMTV Telugu
Top