ఒకప్పుడు చిన్న కార్లతో సరిపెట్టుకునే వారు, ఇప్పుడు కుటుంబంతో కలిసి సౌకర్యంగా ప్రయాణించేందుకు 7 సీటర్ కార్లను ఎక్కువగా ఎంపిక చేస్తున్నారు. ఈ డిమాండ్‌ను దృష్టిలో పెట్టుకుని కంపెనీలు కూడా విభిన్న ఫీచర్లతో కొత్త మోడళ్లను మార్కెట్లోకి తీసుకువస్తున్నాయి.7 సీటర్ కారు కొనాలనుకునేవారికి నిపుణులు ముందుగా VinFast కంపెనీ MPV7 మోడల్‌ను పరిశీలించాలని సూచిస్తున్నారు. ఇది పూర్తి ఎలక్ట్రిక్ వాహనం కావడంతో పాటు ఒకసారి చార్జ్ చేస్తే సుమారు 450 కిలోమీటర్ల వరకు ప్రయాణించే సామర్థ్యం కలిగి ఉంటుంది. ఫ్యామిలీ ట్రిప్స్‌కు అనువైన విస్తారమైన స్పేస్, ప్రత్యేకమైన డిజైన్ ఈ కారుకు ప్రత్యేక ఆకర్షణగా నిలుస్తాయి.లగ్జరీ వాహనాల తయారీదారు MG Motor నుంచి 'మెజిస్టర్' అనే కొత్త 7 సీటర్ కారు రానుంది.

ఇందులో 2.0 లీటర్ ట్విన్ టర్బో డీజిల్ ఇంజిన్‌తో పాటు ఆకట్టుకునే LED హెడ్‌ల్యాంప్స్, 64 కలర్స్ యాంబియంట్ లైటింగ్ ఉన్నాయి. అలాగే 12.3 అంగుళాల టచ్‌స్క్రీన్, డిజిటల్ ఇన్‌స్ట్రుమెంట్ క్లస్టర్, ADAS భద్రతా ఫీచర్లు కూడా అందుబాటులో ఉంటాయి.ఇక Toyota నుంచి కొత్తగా వచ్చే ఫార్చ్యూనర్ మోడల్ కూడా 7 సీటర్ సెగ్మెంట్‌లో ప్రధాన ఆకర్షణగా నిలవనుంది. 48V మైల్డ్ హైబ్రిడ్ డీజిల్ ఇంజిన్, లెవెల్-2 ADAS టెక్నాలజీతో పాటు మెరుగైన ఇంటీరియర్‌తో ఈ మోడల్ మరింత ఆధునికంగా మారనుంది. డ్యూయల్ 12.3 అంగుళాల డిస్‌ప్లేలు ఇందులో ప్రత్యేకత.Volkswagen నుంచి రాబోయే R-Line మోడల్ కూడా 7 సీటర్ రూపంలో అందుబాటులోకి రానుంది. 2.0 లీటర్ TSI పెట్రోల్ ఇంజిన్‌తో వచ్చే ఈ కారు ఇప్పటికే గ్లోబల్ క్రాష్ టెస్టుల్లో 5 స్టార్ రేటింగ్ సాధించింది. స్టైలిష్ డిజైన్, మెరుగైన సేఫ్టీ ఫీచర్లు దీనిని ప్రత్యేకంగా నిలబెడతాయి.చివరగా Skoda నుంచి 'Kodiaq RS' మోడల్ రానుంది. ఈ కారు ఆకర్షణీయమైన లుక్స్‌తో పాటు 2.0 లీటర్ టర్బో పెట్రోల్ ఇంజిన్‌ను కలిగి ఉంటుంది. పర్ఫార్మెన్స్‌తో పాటు ప్రీమియం ఫీల్ ఇవ్వడం ఈ మోడల్ ప్రత్యేకత.మొత్తంగా, 2026లో భారత మార్కెట్లో 7 సీటర్ కార్లకు మంచి డిమాండ్ ఉండబోతోందని, వినియోగదారులకు విభిన్న ఆప్షన్లు అందుబాటులోకి రానున్నాయని నిపుణులు చెబుతున్నారు.