ఓ పంజాబీ నటితో ఈ యువ పేసర్ రిలేషన్‌లో ఉన్నాడని సోషల్ మీడియాలో చర్చ జరుగుతోంది.ఐపీఎల్‌లో Punjab Kings తరఫున ఆడుతున్న అర్ష్‌దీప్ ఇటీవల ఒక యువతితో కలిసి ఉన్న ఫోటోను షేర్ చేయడంతో ఈ రూమర్లు మరింత బలపడ్డాయి. అదే సమయంలో ఆ యువతి మ్యాచ్ సమయంలో స్టేడియంలో కనిపించడం అభిమానుల్లో ఆసక్తిని పెంచింది. పంజాబ్ కింగ్స్ జెర్సీతో స్టాండ్స్‌లో కనిపించిన ఆమె ఎవరు? అనే ప్రశ్న నెట్టింట వైరల్ అయింది.ఆమె పేరు సమ్రీన్ కౌర్.

వర్ధమాన పంజాబీ నటి అయిన ఆమె సోషల్ మీడియాలో చాలా యాక్టివ్‌గా ఉంటుంది. తన ఫోటోలు, వీడియోలు, వ్యక్తిగత మరియు వృత్తిగత విషయాలను అభిమానులతో పంచుకుంటూ మంచి ఫాలోయింగ్ సంపాదించుకుంది.అయితే అర్ష్‌దీప్ గానీ, సమ్రీన్ గానీ తమ మధ్య ఉన్న సంబంధంపై అధికారికంగా ఎలాంటి ప్రకటన చేయలేదు. వారు నిజంగా ప్రేమలో ఉన్నారా లేదా కేవలం స్నేహితులేనా అన్నది ఇంకా స్పష్టంగా తెలియదు. దీంతో వీరిద్దరూ ఎప్పుడెప్పుడు తమ రిలేషన్‌పై క్లారిటీ ఇస్తారా అని అభిమానులు ఆసక్తిగా ఎదురుచూస్తున్నారు.