నెలాఖరున పెళ్లి. ఇప్పుడు మరో కథానాయిక కూడా పెళ్లి పీటలెక్కబోతోందని తెలుస్తోంది.

మంచి పాత్రలు, మంచి కథలు, విజయవంతమైన చిత్రాలతో కెరీర్‌ని నడిపిస్తున్న అనుపమ పరమేశ్వరన్ ఇప్పుడు వ్యక్తిగత జీవితంపై దృష్టి సారించిందని తెలుస్తోంది. అనుపమ పెళ్లి ఖాయమైందని వచ్చే నెలలో నిశ్చితార్థం జరగబోతోందని గుసగుసలు వినిపిస్తున్నాయి. అనుపమ కెరీర్ ఇప్పుడు మంచి దశలోనే ఉంది. ఇలాంటి తరుణంలోనే వ్యక్తిగత జీవితంలోనూ స్థిరపడాలనుకొంటోందేమో? అనుపమ పెళ్లి కూడా ఇండస్ట్రీ కి సంబంధించిన వ్యక్తితోనే జరగబోతోందన్న టాక్ కూడా బలంగా వినిపిస్తోంది. ఇది ప్రేమ పెళ్లా, పెద్దలు కుదిర్చిన వివాహమా? అనేది తెలియాల్సివుంది.

కథానాయికల పెళ్లికి సంబంధించిన వార్తలు బయటకు రావడం, ఆ తరవాత వాటిలో కొన్ని నిజం అవ్వడం, ఇంకొన్ని గాసిప్పులుగా మిగిలిపోవడం జరుగుతున్న విషయాలే. మరి అనుపమ పెళ్లి వార్త నిజమేనా, లేదంటే కేవలం ఊహాగానమా? అనేది తెలియాలంటే ఇంకొన్ని రోజులు ఆగాలి.